ମଣିଷ ପ୍ରକୃତି ଇଏ
ମଣିଷ ପ୍ରକୃତି ଇଏ
କାହିଁକି ଲେଖିବି ପୋଷ୍ଟ କରିବି
କିଏ ପଢ଼ିବାର ନାହିଁ
ସବୁଠାରୁ ଭଲ ଲେଖା ଛାଡ଼ିଦେଇ
ବାବାଜୀ ହୋଇବି ମୁହିଁ
ଦାଢ଼ି ଗଣ୍ଡେ ରଖି ବାବାଜୀ ହୋଇବି
ମାରି କଛା କଉପୁନି
ମଠ ଟିଏ କରି ପ୍ରବଚନ ଦେଇ
ବୋଲାଇବି ବଡ଼ ଜ୍ଞାନୀ
ଆଜିର ଯୁଗରେ ବାବାଜୀ ହିଁ ଭଲ
ମିଛ ସତ ପଦେ କହି
ଶିଖିତ ସମାଜ ପାଦେ ପଡିଜେବେ
ଭଗବାନ ବୋଲି କହି
ଧନ ମନ ତନ ସବୁ ଦେଇଦେବେ
ଭଗବାନ ବୋଲି ପୁଜିବେ
ମନ୍ତ୍ରୀ ଯନ୍ତ୍ରୀ ତନ୍ତ୍ରୀ ଜୀବନ ଭୟରେ
ପାଦ ତଳେ ଆସି ଲୋଟିବେ
ଜୀବନ କୁ ମୋର ଉପଭୋଗ କରି
କରୁଥିବି ବେଇମାନି
ଆଖିଥାଇ ସବୁ ଅନ୍ଧ ହୋଇଯିବେ
ଯେତେ କର ବେଇମାନି
କିଛି ଗୋଟେ ହେଲେ ହୋ ହାଲା କରିବେ
ପଲ୍ଲୀ ଠାରୁ ଦିଲ୍ଲୀ ଯାଏ
କିଛି ଦିନ ପରେ ସବୁ ଭୁଲିଯିବେ
ମଣିଷ ପ୍ରକୃତି ଇଏ