ମଣିଷ ଚିହ୍ନିବା

ପ୍ରତିଶୋଧ ସୁଖ କ୍ଷଣସ୍ଥାୟୀ ସିନା ଦିଏ ଅନୁତାପ ଦୁଃଖ,

କ୍ଷମା ଦେଇଥିଲେ ସ୍ଥାୟୀସୁଖ ମିଳେ ରହିବ ଜୀବନ ଯାକ ।

ବିଶ୍ଵାସ ସୁଦୃଢ ହୋଇଲେ ସମ୍ପର୍କ ରହିଥାଏ ଚିରଦିନ,

ରକ୍ତର ସମ୍ପର୍କ ଛିନ୍ନ ହୋଇଥାଏ ଦିଆ-ନିଆ ଥିଲେ ଧନ ।

ଧନୀ ସେହି ଜଣେ ଜ୍ଞାନ-ପୁଣ୍ୟ ବଳେ ବାଣ୍ଟି ଯିଏ ସୁଖପାଏ,

ନିସ୍ଵାର୍ଥ ସେବାରେ ପରଉପକାରେ ମହାଜନ ଲାଗିଥାଏ ।

ମାନୀ ସେହି ଜଣେ ଅନ୍ୟର ମାନକୁ ରଖିବାରେ ଯତ୍ନବାନ,

ବଳବାନ ସେହି ଅସହାୟ ପାଇଁ ଦେଇପାରେ ଯେ ଜୀବନ ।

ଦାନୀ ସେହି ଜଣେ ଅକାତର ଭାବେ ଦାନକରେ ସୁପାତ୍ରରେ,

ଜ୍ଞାନୀଲୋକ ସେହି ବିପଦ ବେଳରେ ବୁଦ୍ଧିଦିଏ ନୀରବରେ ।