ମଙ୍ଗଳା

କଟକେ କଟକ ଚଣ୍ଡୀ ତୁହି ଲୋ ମଙ୍ଗଳା

ଝଙ୍କଡ଼ ପୁରେ ବୋଲାଉ ନାମ ତୁ ସାରଳା ।

ଯାଜପୁରେ ବିରଜା ତୁ ବାଙ୍କୀ ରେ ଚର୍ଚ୍ଚିକା

ବଡ଼ମ୍ବା ଗଡ ରେ ତୁହି ମାଲୋ ଭଟ୍ଟାରିକା ।

କାକଟ ପୁର ରେ ତୁହି ମାଆ ଲୋ ମଙ୍ଗଳା

ପୁରୀ ଜିଲ୍ଲା ରେ ତୁହି ଲୋ ବାଟ ମଙ୍ଗଳା ।

ତୁହି ଉଗ୍ର ତାରା ତୁହି ଲୋ ତାରା ତାରିଣୀ

ଘଟ ଗାଁରେ ପୀଠ ତୋର ଅଟଇ ତାରେଣି ।

ପ୍ରତି ଗ୍ରାମେ ଗ୍ରାମ ଦେବତୀ ଭାବ ରେ ରହି

ପୂଜା ପାଉ ମଙ୍ଗଳା ତୁ ଲୋ କଲ୍ୟାଣ ମୟୀ ।

ନମଇ ମଙ୍ଗଳା ମା ଗୋ ନମୋ ବୁଦlଖାଇ

ବୁଦା କୁକୁଡ଼ା ରେ ଅତି ସ୍ନେହ ଥାଉ ବୋହି ।

ଆଦରେ ଯେ ଦିଏ , ତାକୁ ଦେଉ ଥାଉ ବର

ଧନ୍ୟ ଆ ଲୋ ଲାଞ୍ଚୁଆଣି କରୁ ତୁ ମଙ୍ଗଳ ।

କଳିଶୀ ନାଚଇ ଧେଇ ଧୀନା ତୋର ପାଖେ

ଝୁମୂ ଝୁମୁ ହଲି ହଲି ସେହି କମ୍ପୁ ଥାଏ ।

ଦୁମୁ ଦୂମୁ ବାଜା ତାଳେ ପାଉ ତୁହି ପୂଜା

ମନ୍ଦାର ଫୁଲ ରେ ତୁହି ହୋଇ ଥାଉ ସଜା ।

ଭକତ ଅଭୀଷ୍ଟ ତୁହି କରୁ ଲୋ ପୂରଣ

ବୁଦା ବଳି ଖାଇ ହୋଇ ଥାଉ ସୁପ୍ରସନ୍ନ ।

ଭକତ ର ମନୋବାଞ୍ଛା ଅନୁଯାୟୀ ବର

ଦେଇ ଥାଉ ତୁହି କରୁ ଅଶେଷ ମଙ୍ଗଳ ।

ଯେତେ ସବୁ ମଙ୍ଗଳିକ କ୍ରିୟା , ବିଧି , କର୍ମ

ତୋତେ ପଚାରି କି କରି ଥାନ୍ତି ଭକ୍ତ ଜନ ।

ଧନ୍ୟ ଲୋ ମଙ୍ଗଳା ମାଆ ମହିମା ତୋହର

ଅନନ୍ତ ବିଭୁତି ଅନିର୍ବଚନୀୟ ଭାର ।