ମନେପଡେ ମନର କଥା

ମନର ବେଦନା କହିତ ହୁଏନା

ମନରେ ହିଁ ସିଏ ମରେ,

ମନେ ପଡେ ଯେବେ ମନର କଥା ମୋ

ଝୁରି ଝୁରି ଦିନ ସରେ l

ଆବେଗର ଦିନ ଲିଭିଯାଏ ଚି଼ହ୍ନ

ସ୍ମୃତି ରହେ ଛାତିତଳେ,

ଅଭୁଲା ପୀରତି ଭୁଲିବି କେମିତି

କୁହୁଳି କୁହୁଳି ଜଳେ l

ମନ ଉପବନେ ସପନ କାନନେ

କେତେ ରଙ୍ଗ ଉଡୁଥିଲା,

ଅଦିନିଆ ମେଘ ଧୋଇନେଲା ସବୁ

ଫୁଲ କଢ଼ି ମଉଳିଲା l

ଆଜି ବି ଡାଏରୀ ଖୋଲିକି ଦେଖିଲେ

ଅଛି ସେ ଗୋଲାପ ଫୁଲ,

କାହା ସାଥେ ଆଉ ବର୍ଣ୍ଣନା କରିବି

କଣ ବା ତାହାର ମୂଲ ।

ହାତ ମୋର ଥରେ ଲେଖି ମୁଁ ନ ପାରେ

କେତେ ଚାହେଁ ମୁଁ ତୁମକୁ,

ହେଲେ କେବେ ଏହା କହିତ ପାରିନି

ମନେ ଥିବା ମୋ ପ୍ରେମକୁ l