ମନେପଡ଼

ତମେ ଆଜି ବହୁଦୂରେ

ଖୋଜିଲେ ଆସ କେବଳ

ମୋ ସ୍ମୃତି ଆଉ ସପନରେ ।

ଝରୁଥିଲେ

ଆକାଶରୁ ଟିପି ଟିପି ବର୍ଷା

ନାଚୁଥିଲ ଖୁସି ମନେ

ଗୋଲାପୀ ଅଧରେ ଖେଳୁଥିଲା

ନିର୍ଭେଜାଲ ହସ ।

ରୁଣୁଝୁଣୁ ବାଜୁଥିଲା

ମୃଦୁମୃଦୁ ଲାଜେଲାଜେ ହସୁଥିଲା

ତମ ଘୁଙ୍ଗୁରର ସ୍ୱର,

ଚଗଲାମୀ କରୁଥିଲ 

ଆଗୋ ନଟଖଟି ରାଧା ମୋର

ରାତିସାରା ହେଉଥିଲା ଜ୍ୱର ।

ତମେ ନାହଁ ଆଜି

ତମକୁ ପାଇବାର ଆଶାରେ

ନିଜେ ଏକାଏକା ବର୍ଷାରେ ଯାଏ ଭିଜି

ଆଖିରେ ଉଛୁଳା ଅଶ୍ରୁର ନଈ

ତୁମ ଅନୁପସ୍ଥିତି ହୃଦେ କଳାରାତି

ମନେପଡ଼ ବହୁବାର ଆଗୋ ଅଭିମାନୀ ସାଥି ।