ମନ୍ଦ ପ୍ରବୃତ୍ତିର ବିଭୀଷିକା
ମନ୍ଦ ପ୍ରବୃତ୍ତିର ବିଭୀଷିକା
ହିଂସା ଦ୍ୱେଷ ଇର୍ଷା ଛାରଖାର କରେ
ପ୍ରେମର ଅଟ୍ଟାଳିକା
ଭୋଗ ବିଳାସ ରୋଗ ବଢ଼େଇ
ଦିଏ ଶକ୍ତ ଧକକା
ସମୟ ସୁଅରେ ସୁନ୍ଦର ଶରୀର
କ୍ଷୁର୍ଣ ହୋଇଯାଏ
ମିଛ ଗର୍ବ ଆଉ ଅହଂକାର ସବୁ
ମାଟିରେ ମିଶିଥାଏ
ସନ୍ଦେହର ବିଷ ତିଳତିଳ କରି
ସମ୍ପର୍କକୁ ଜାଳିଦିଏ
ପ୍ରେମର ସୌଧ ନିମିଷକ ମଧ୍ୟେ
ଚୁରମାର ହୋଇଯାଏ
ଶାସନ ବିନା ଶିଶୁ ଭବିଷ୍ୟତ
ନଷ୍ଟ ହୋଇଥାଏ
ପଛେ ପଶ୍ଚାତାପ କଲେ କି ହେବ
ସମୟ ଗଡିଯାଏ
ଯୌବନ ଚଞ୍ଚଳ କାବୁ ନ କରିଲେ
ଚରିତ୍ର ନଷ୍ଟ ହୁଏ
ଚରିତ୍ର ନଥିଲେ ରୂପ ଗୁଣ ସବୁ
ଅସାର ହୋଇଥାଏ
ମଦ ସିଗାରେଟ ତମାଖୁ ସେବନ
କେନସର ସୃଷ୍ଟି କରେ
ଅମୂଲ୍ୟ ଜୀବନ ବଡ଼ କଷ୍ଟ ପାଏ
ସାରା ପରିବାର ମରେ
କୁ ଅଭ୍ୟାସ ସବୁ ତ୍ୟାଗ କରିଦେଲେ
ହସିବ ପ୍ରେମର ଘର
ସବୁଠାରୁ ଶ୍ରେଷ୍ଠ ହେ ମାନବ ଗଣ
କରେ କୋଟି ନମସ୍କାର