ମନ

ମନ ଯଦି କୋଉଠି ବିକ୍ରି ହଉଥାନ୍ତା,ତାହେଲେ

ତାକୁ ଅମାପ ଧନଦେଇ କିଣି ହୁଅନ୍ତା ।

ମନ କଦାପି ବିକ୍ରୟ ଯୋଗ୍ୟ ନୁହଁ,ତେଣୁ

ମନ କିଣିବା ଏତେ ସହଜ ନୁହଁ ।

କେବେ କେବେ ମନ ବେକାବୁ ହୁଏ,ପୁଣି

ଅମାପ ବେତୁକ ସ୍ବପ୍ନ ଦେଖୁ ଥାଏ ।

ଜଣେ ଯଦି ଟିକିଏ ଆଙ୍ଗୁଳି ଦେଖାଏ,ମନ

ହାତ ଧରିବା ପାଇଁ ବିଚଳିତ ହୁଏ ।

ସମ୍ପର୍କ ସମର୍ପଣ ସମ୍ଭାବନ ସମୟ ସବୁ,କେବଳ

ମନ ହିଁ କରେ ଏସବୁକୁ କାବୁ ।

ମୁକ୍ତ ଆକାଶ ଛୁଇଁବାର ଅସୁମାରୀ ସପନ,ଅବା

ତାରାଫୁଲ ତୋଳିବା ନିର୍ଣ୍ଣୟ ନିଏ ମନ ।

ମନ ଉପରେ ନାହିଁ କାହା ନିୟନ୍ତ୍ରଣ,ତେଣୁ

ସବୁବେଳେ ଅଦ୍ଭୁତ ବିଚିତ୍ର ଏ ମନ ।