ମନ ପକ୍ଷୀ

ବେଳେବେଳେ

ମନପକ୍ଷୀ ପର ଲଗେଇ

ଦୂର ଆକାଶକୁ ଉଡି ଯାଅଇ।

ହାତ ପାପୁଲିରେ ମଥା ରଖି

ଆଖି ମୁଦି ଦିଅଇ

ମୁଦା ସିନା ଥାଏ ଆଖି

ମନ ଚେଇଁ ଥାଅଇ

କିଛି ଖୋଜୁଥାଇ

କିଛି ଭାବୁଥାଇ

ଅଦେଖା ଅଜଣା ରାଇଜେ ଯାଇ।

ମନ କୁହେ ଏକା ଏକା ରହିବାକୁ

ନିଜ ସାଥେ ଗପିବାକୁ

ନିଜ ଛାଇ ମାପିବାକୁ

କିଛି ଗୋଟେ କରିବାକୁ

ନିଜ ବୟସକୁ ଭୁଲି ଯାଇ।

ଇଛା ହୁଏ

ନିଜ ମୁହଁ ଦେଖିବାକୁ

ନିଜ ଛବି ଆଙ୍କିବାକୁ

ନିଜ ଭିତର ପଢ଼ିବାକୁ

ବିଦ୍ରୋହୀ ସାଜିବାକୁ

ଏ ସମାଜ ଭୁଲିବାକୁ

ସମ୍ପର୍କ ସାଥି ପ୍ରୀତି ଭୁଲି ଯାଇ

କିଛି ଗୋଟେ ନୂଆ କରିବାକୁ।