ମନ ନାଚେ ଦେଶ ପାଇଁ

ଆଜି ଅଗଷ୍ଟ ପନ୍ଦର

ନାଚୁଛି ମନ

ନାଚୁଛି ତନ

ଆହଃ କି ସୁନ୍ଦର 

ଭାରତ ମାତା ଧ୍ୱଜ 

ଏ ହୃଦୟର ହୃଦୟ ସହ ସମାଗମ 

ପ୍ରେମର, ପ୍ରୀତିର 

ଖୋଲା ହୃଦୟର 

ଆକାଶ ହସୁଛି ଆଜି

ହସେ ଆଜି ବାଦଲ 

ଖେଳେ ଦୋଳି ପ୍ରତିଟି ମନ 

ଧଳା ଛିଟ ଚଦରରେ

ଶୋହେ ଗଗନ

ସୁରୁଜ ମନରେ ଖୁସି

ଉଜ୍ଜଳତା ରେ ଭରା ଭରା

କେତେ ରକମର ରଙ୍ଗରେ ରଙ୍ଗିତ

ତରଙ୍ଗାୟିତ କିରଣ ତାର

ସୁରୁଜ ବସି ହସୁଛି ଆଜି

ଖରା, ତାତି ଛାଡି ଦେଇଛି

ନାଚୁଛି ଦିନ

ନାଚେ ଆମ ତ୍ରିରଙ୍ଗା

ଗାଈ ସହିଦଙ୍କ ଗାଥା 

କେତେ ଯବାନଙ୍କ ଆଶା 

ସହିଦ ପାଇଁ ଆଜି

ସ୍ୱାଧୀନ ଦେଶର ବାସୀ ଆମେ

ଇଂରେଜ ଯାଇଛି ହଟି

କି ପକା, କି ମାଟି 

ଘରେ ଘରେ ମୂରୁଜ, ଝୋଟି

ଦୁଃଖୀ ଦରିଦ୍ରଙ୍କ ମୁଖେ

ଦିଅ ହେ ଅନ୍ନ

ଭାରତ ମାତାର ଆଶା

କର ପୂରଣ 

ପୁତ୍ର ହେବାର ଦିଅ ପରିଚୟ 

କାହା ପେଟ ଚାଖଣ୍ଡେ

ନ ରହୁ ଅପୁରଣ

ଏତିକି ରହୁ ସଂକଳ୍ପ ଆମର !