நூலகம்
சுயவிவரம்
ମଳୟ ବାସନା
ମଳୟ ବାସନା
1 min
263
ଅଙ୍ଗ ଵସନ ମୋ ଅଲରା ହୋଇଛି
ମୁକୁଳା କେଶ ବିନ୍ୟାସ
ମଳୟ ବାସରେ ବାସ ଚହଟୁଛି
କେଣେ ଗଲା ଅନ୍ତଵସ୍ତ୍ର
ତପନ କିରଣ ପ୍ରାଚୀ ନଗରୀରେ
ହୋଇଲାଣି ଉଦ୍ଭାସିତ
ଲାଜୁଆ ପ୍ରଭାତ ସ୍ଵାଗତ କଲାଣି
ଜଡାଇ ରଖିଛି ଶୀତ
ଚିବୁକ ଚର୍ଵଣ ଚମକ ଗଣ୍ଡରେ
ଦନ୍ତ ଚିହ୍ନ ଜର୍ଜରିତ
ସୁକୁମାର ତନୁ ଭାଙ୍ଗୁଛି ଅଳସ
ରସ ସିକ୍ତ ଉତ୍ସର୍ଗୀତ
ବିତିଲା ରଜନୀ ଅତିନ୍ଦ୍ରୀୟ ତାତି
ଦଂଶନରେ ସମ୍ମୋହନ
ନାଗଫାଶ ପ୍ରିତୀ ପ୍ରଣଘାତ ରତୀ
ଉତ୍ସର୍ଗୀତ ଵିଵସନ
ସତ ଘଡ଼ ଘଡ଼ି କମ୍ପିଲା ମେଦିନୀ
ଦେହେ ଭରେ ଶିହରଣ
କମ୍ପମାନ ହେଲା ରୋମାଞ୍ଚିତ ହେଲା
ଅର୍ଦ୍ଧ ଉର୍ଦ୍ଧେ ତା ଚରଣ
ରାତି ଉଜାଗର ମଧୁର ମୂର୍ଚ୍ଛନା
ଛନ୍ଦେତୋଳେ ମଧୁରାତି
ନିଷ୍ଠୁର ସମୟ ମେଲାଣି ମାଗିଲା
ପାହିଗଲା ସ୍ମୃତି ରାତି
ପବିତ୍ର ପାପି ମୁଁ ପାପ ନୁହେଁ ସିଏ
ପ୍ରକୃତି ରହସ୍ୟ ଗୁଢ
ସଂସାର ସର୍ଜନା ନୂତନ ସୃଷ୍ଟିର
ସତ୍ୟରେ ଚାଲିଵୁ ମୁଢ
