ମିଠା କାହାଣୀ

କାହାକୁ କହିବି ମୋ ମିଠା କାହାଣୀ 

ସୁମରି ସୁମରି ମୁଁ କ୍ଷୀଣ ହେଲିଣି। 

ବିଗତ ହେଲାଣି ସେ ମିଠା କାହାଣୀ 

ତଥାପି ଝୁରୁଛି ମୋ ମନ ବାୟାଣୀ। 

ପ୍ରେମର ପଥରେ ସେ ଥିଲା ପଥିକ

ଭାବନା ରାଇଜେ ବୁଲିଛି ଅନେକ। 

ପ୍ରିୟତମ କଥା ସେ ,ଯେଭାଳି, ଭାଳି

କଟାଇଛି ରାତି, ଜାଗର ବି ଜାଳି ।

କେଡେ ମିଠା ଥିଲା ସେଇ ଅନୁଭବ 

ଇଚ୍ଛା ହୁଅଇ ବାରମ୍ବାର ଭାବିବ। 

କେମିତି, କିପରି ,ମୁଁ ଦେଖା ପାଇବି?

ପ୍ରେମ ମିଠା କଥା ଟିକିଏ ଶୁଣିବି।

ପ୍ରେମ ର କାହାଣୀ,ଏ ପ୍ରେମ ପରଶ

ସବୁଠାରୁ ମିଠା ଲାଗଇ ସରସ। 

ବୟସର ମିଠା ଅତର ବାସ୍ନାରେ

ବାସ୍ନାୟିତ ସେ ମିଠା ଅନୁଭବରେ। 

କାହାକୁ କିଛି ତୁ ନକହିଲେ ମିତ

ଜାଣି ଥା ଏହା ଯେ ହୃଦୟର ସତ। 

ତୋ ମନ, ହୃଦୟ ଯେ ଏହାର ସାଖୀ 

ମିଠା କାହାଣୀ ଭାବି ଭିଜିଛି ଆଖି। 

ଆଜି ବି ତୋ ପାଇଁ ସେ ମିଠା କାହାଣୀ 

ଆଣେ ସ୍ପନ୍ଦନ ମିଠା ଜହର ବୁଣି।