ମିଠା ଜହର

ସ୍ୱାର୍ଥ ପାଇଁ

ନାଲି ଓଠରେ ମୁରୁକି ହସି

ଲାଜେଇ ଯାଇ

ଛଳନା ଓ କପଟ କରି

କ୍ଷଣିକ ପାଇଁ

ନିରୀହ

ମନ ଓ ହୃଦୟ ଜିଣିବା

ସତେ ବା କେତେ ସହଜ ବ୍ୟାପାର ତୁମପାଇଁ

ତୁମ ଦ୍ଵିତୀୟ ଚାହାଣୀରେ

ହତ୍ୟା କରିଦେଇ ପାର

ପ୍ରେମ ଆକୁଳ ଯୁଗଳ ନୟନ

ବିନା ଦ୍ଵିଧାରେ

ଭାଙ୍ଗି ଦେଇପାର

ନିରୀହ ଭଅଁର ପ୍ରେମିକର

ସୁନା ମନ ଓ ସୁନେଲି ସପନ

ମଧୁର କଥାରେ

ମିଠା ଜହର ମିଶାଇ

ବଳି ଦେଇପାର

ଶାଶ୍ୱତ ପ୍ରେମ

ପବିତ୍ର ସମ୍ପର୍କକୁ ବି

ଦେଇପାର ଫାଶୀ

ନିଜ ପାଇଁ

ନିଜ ମୁରୁକି ହସରେ ସାହାରା ନେଇ