ମିହିର ଭାଇ ଅମର ରହେ

ଯୁଗ ଜନ୍ମା ହେ ମିହିର ଭାଇ

କିମ୍ବଦନ୍ତୀ ପୁରୁଷ ଯେ ଥିଲ

ମଥୁରା ବିଜୟ ଆଉ ରାମାୟଣ ଦ୍ୱାରା 

ସିନେ ଦ୍ୱାରରେ ପାଦ ଥାପିଥିଲ ll

ଏଇ ଆମର ସଂସାର ଯେ ଥିଲା 

ତମେ ଥିଲ ଆକାଶର ଆଖି

ହସ ଲୁହ ଭରା ଦୁନିଆ ସାଗରରେ

ଲକ୍ଷ୍ମୀ ପ୍ରତିମା ଦେଲ ଭେଟି  ll

ଏଇତ ଦୁନିଆ ହେ ମିହିର ଭାଇ

ଚାଲେ ଏଠି ଦାଦାଗିରି

କେବେ ଯେ ତମେ ଧର୍ମ ଦେବତା

କେବେ କ୍ରିଷ୍ଣା କାବେରୀ ll

ସମୟ ଚକରେ ସଂସାର ରଥ ଭାଇ

ହିସାବ କରୁଛି କାଳିଆ

କାଳିଆ ଭରଷାରେ ସୌଭାଗ୍ୟବତୀ

କେବେ ବୋଉ କେବେ ମହୁଆ ll

ଭାଇ ହେଇଯାଏ ଭଗାରୀ ଏଠି ଗୋ

ନିରାଶ ଲକ୍ଷ୍ମୀର ଅଭିସାର

ଭାଗ୍ୟ ହାତେ ଡୋରୀ ଲାଗିଛିରେ ଭାଇ

କାଳିଆ ଭରଷା ଜୀବନ ଧାର  ll

କି ହେବ ଶୁଆ ପୋଷିଲେ କୁହ ମିହିର ଭାଇ

ଭାଇ ହେଲା ଏଠି ଭଗାରୀ

ଜୀବନ ମୃତ୍ୟୁର ରଶ୍ମୀରେଖା ଏଠି

ସମୟ ଖେଳୁଛି ଚକାଭଉଁରୀ    ll

ଗୋପରେ ବଢୁଛି କଳା କହ୍ନେଇରେ ଭାଇ

ଖେଳେ ଚକା ଚକା ଭଉଁରୀ

ତୁ ଏକା ଆମର ସାହା ଭରଷାରେ ଭାଇ

ସମୟ ହାତରେ ଡୋରୀ ll

ତୋ ବିନା ଭଲ ଲାଗେନା ମିହିର ଭାଇ

ଏମନ ମାନେନା କି ବୁଝେନା

ଅଗସ୍ତ୍ୟl ଅଭୟ ତୁମେ ଲଭ ମାଷ୍ଟର ତମେ

ଲୋଫର ଇଡିଏଟକୁ କଲ ଦିୱାନା ll

ତମେ ଥିଲ ପୁଅ ମୋର ଭୋଳା ଶଙ୍କର

ପୁଛୁଥିଲ ମାଆ ଆଖିର ଲୁହ

ମୁକ୍ତି ମଶାଲ ଜଳାଉଥିଲ ମିହିର ଭାଇ

ମା ପରି କିଏ ହେବ ତୁମେ କୁହ  ll

ସଭିଙ୍କୁ ବାନ୍ଧି ଥିଲ ପ୍ରେମ ବନ୍ଧନରେ

କଲ ଚୋରି ଚୋରି ମନ ଚୋରି 

ଅଗ୍ନି ଶିଖା ହେଇ ଶତ୍ରୁ ସଂଘାର କଲ

ଗୁଣ୍ଡା ବେଡ଼ ଗାର୍ଲଙ୍କୁ ଟାର୍ଗେଟ କରି  ll

ସୁନା ଭଉଣୀକୁ ଫେରିଆଣିଲ ଯେ

ରାଖୀ ବାନ୍ଧି ତମେ ରଖିଲ ମାନ

ହସେଇଲ ପୁଣି ମୋ ସୁନା ସଂସାରକୁ

ସଭିଙ୍କୁ ବାନ୍ଧିଲ ପବିତ୍ର ବନ୍ଧନ  ll

ଆଶାର ଆଲୋକ ସାଜି ଅହଲ୍ୟା ତରିଲ

ଜୀବନ ଧାରର ଭୁଲ କାହାର

ଅଭିମନ୍ୟୁ ସାଜି ଅଗ୍ନି ସଙ୍କଟରେ

କେତେ କ୍ରିମିନାଲକୁ କଲ ଆପଣାର  ll

ରାଜା ଝିଅ ସଙ୍ଗେ ହେଲା ତୁମ ଭାବ

ସଂଗୀତାଙ୍କୁ ଦେଲ ସୁହାଗ ସିନ୍ଦୁର

ସମୟ ଯେ ଖେଳିଲା ଚକା ଭଉଁରୀ 

ବିଧାତା ବାନ୍ଧିଲା ତୁମ ହାତରେ ଡୋର ll

ସ୍ତ୍ରୀ କୁ ତମେ ଦିନେ କହୁଥିଲ ଭାଇ

ତୋର ମୋର ଯୋଡି ସୁନ୍ଦର

ପ୍ରେମ ଅଢେଇ ଅକ୍ଷର ଥିଲା ଯେ ଭାଇ

ତୁମେ ହିଁ ସାଥି ମୋର ll

ଲଭ ଷ୍ଟେସନରେ ରହି ମିହିର ଭାଇ

ଲଭ୍ ପାଇଁ କୁଛ ଭି କରୁଥିଲ

ଓଡିଶା ପାଇଁ ଲଭ୍ ମାଷ୍ଟର ସାଜି

ହୃଦୟ ରୋମିଓ ଜୁଲିଏଟ୍ ସାଜିଗଲ ll

ଥିଲ ତମେ ଆରମ୍ଭ ଥିଲ ତୁମେ ଶେଷ

ଓଡ଼ିଆ ସିନେମା ପାଇଁ

ତୁ ଥା ମୁଁ ଯାଉଛି ରୁଷି ଗୋ ଭାଇ

ୠମୁକୁ ଝୁମାନା ଶୁଭୁଛି ନାହିଁ ll

ତୁମ ବିନା ଭଲ ଲାଗେନା ଗୋ ଭାଇ

ଥିଲ ସପନର ସୌଦାଗର

ଆଲୋ ମୋର କଣ୍ଢେଇ କହି କହି

କେତେ କୁନିକୁ ନିଜର କଲ  ll

ସଞ୍ଜୁ ସଞ୍ଜନାକୁ ଲିଫ୍ଟ ଦେଲ ତୁମେ

ପ୍ରିୟା ଡ୍ରିମ ଗାର୍ଲକୁ ସଫଳ କଲ

ସିଷ୍ଟର ଶ୍ରୀଦେବୀରେ ଜମେଇ ଦେଲ

ACP ସାଗରୀକାରେ ଧୁମ ମଚାଲ ll

କେବେ ଭାଇ ପୁଅ କେବେ ପୁଣି ବାପା

କେବେ ହେଉଥିଲ ସ୍କୁଲ ମାଷ୍ଟର

କେବେ ନାୟକ ପୁଣି କେବେ ଖଳ ନାୟକ

କେବେ ସାଜୁଥିଲ କମେଡି ଲୋଫର ll

ହିରୋ ଥିଲ ତମେ କଥା ଥିଲା ପ୍ରେମ

ସର୍ବ କଳାରେ ପୂର୍ଣ୍ଣ ଥିଲ

ଲଭ ଷ୍ଟେସନରେ ଅନଲି ପ୍ୟାର କରି

ପ୍ରେମ ପାଇଁ ମହାଭାରତ ରଚିଲ ll

ଲଭ ପାଇଁ ତମେ କିଛି ବି କରୁଥିଲ

ଦେହର ଛାଇ ହୋଇ ରହୁଥିଲ

ଚିନି ହେଇ ସମସ୍ତଙ୍କୁ ଖୁସି କରାଉ ଥିଲ

ମିଷ୍ଟର ମଜନୁ ହୋଇ ହାପିଲକି କରାଉଥିଲ ll

ଏମିତି ବି ପ୍ରେମରେ ହୁଏ ମିହିର ଭାଇ

ତୁମେ ହିଁ ସାଥି ଓଡ଼ିଶାର

ଶତ୍ରୁଗ୍ନରୁ ତମେ କାକା ସାଜିଗଲ 

ଆଭିନୟର ତ ତୁମେ ଯାଦୁଗର ll

ଓଡିଶାକୁ ଦିନେ ପାଗଳ କରିଥିଲ

ତମ ଅଭିନୟ ଯାଦୁରେ

ତମେ ହିରୋ ନମ୍ବର ୱାନ ତମକୁ ଡାକୁଛି 

ଆ ରେ ସାଥି ଆ ରେ ll

କଟକ, ସହର ଜଳୁଛି ଯେବେ ବି

ତମେ ଯେ ଆଗେଇ ଆସ

ଅଭୟ ସାଜି ଆଉ ଗୁଡ଼ ବୟ ସାଜି

ଇଡିଏଟ ଗୁଣ୍ଡା କର ନାଶ  ll

ସାତ ସୁର ବନ୍ଧା ଏଇତ ଜୀବନ

ଜୀବନ ମୃତ୍ୟୁର ଏ ଆସର

ପରଦେଶୀ ଚଢେଇ ସାଜି ତୁମେ

ମାୟା ଲଗେଇ ଚାଲିଗଲ କେଉଁ ଦୂର ll

ଯେଉଁ କଟକ ସହର ଦିନେ ଖୁସିରେ ଝୁମୁଥିଲା 

ଲୁହରେ ଆଜି ସେ ଭିଜିଛି

ସବୁ ପ୍ରୀତିର ଇତି ଯେ କରି ଦେଲ ତୁମେ

ତୁମକୁ ଆଜି ଏ ଓଡିଶା ଝୁରୁଛି  ll

ଜୀବନର ପଥେ ସଂଘର୍ଷ କରି କରି

ନିଜେ ଲୁହ ପିଉଥିଲ

ଅନ୍ୟକୁ ହସାଇ ସ୍ମାଇଲ ପ୍ଲିଜ କହି

ଜୀବନ ବାଜିରେ ଝଡିଗଲ ll

ପୁଳା ପୁଳା ସ୍ମୃତି ଛାଡିଦେଲ ଭାଇ

ସାରା ଓଡିଶା ତୁମକୁ ଝୁରୁଛି 

ଦେଉଛୁ ତୁମକୁ କୋଟି ଶ୍ରଦ୍ଧାଞ୍ଜଳି

ମିହିର ଭାଇ ଅମର ରହେ

ମିହିର ଭାଇ ଅମର ରହେ

ଗଗନ ପବନ ପ୍ରକମ୍ପତି ହେଉଛି ll