ମିଛେଇ ପ୍ରିୟତମା

ଭାଙ୍ଗିଦେଲୁ ପ୍ରେମର ବାଇଆ ବସା,

ମନେ ଭରିଦେଇଥିଲୁ ମିଛ ଆଶା। 

ବିଶ୍ୱାସ ବଦଳେ ଦେଇ ପ୍ରତାରଣା ,

ମୋ ପ୍ରେମକୁ କରିଲୁ ତୁ ବାଟବଣା ।

ପର କଲୁ ମଥାରେ ପିନ୍ଧି ସିନ୍ଦୂର ,

କ୍ଷଣିକରେ ଛିଡେଇ ସେନେହ ଡୋର। 

ଆଉ କାହା ପାଇଁ ପୂଜି ବୃନ୍ଦାବତୀ, 

ସୁଖେ ବିତଉଛୁ ତୁହି ଦିନରାତି ।

ଅଜଣାରୁ ସାଜିଲୁ ତୁ ଆପଣାର, 

ହୃଦୟକୁ କିଣି କରିଲୁ ତୁ ଘର। 

ମିଛ ସଂପର୍କ ଯୋଡି ଭୁଲିଲୁ ସିନା। 

ତୋ ଭିତରେ ହଜି ଭୁଲିଲି ଠିକଣା ।

ପଥର ତୋ ହୃଦୟ ତୁ ଦେଲୁ ଧୋକା, 

ଲୁହର ଶ୍ରାବଣେ ମୁଁ ଭିଜୁଛି ଏକା ।

ସପନର ନୀଡ ଗଲା ଲୋ ଉଜୁଡି ,

ମୋତେ ଏକା କରି ଗଲୁ ତୁହି ଛାଡି। 

ହାରିଗଲି ପ୍ରେମଯୁଦ୍ଧେ ଆଜି ସିନା, 

ଅସ୍ତିତ୍ୱ ନାହିଁଲୋ ପ୍ରିୟା ମୋର ତୋ ବିନା ।

ଯେତେ ଦୁଃଖ ଦେଲୁ ନାହିଁ ତାର ସୀମା ,

ଭୁଲିଗଲୁ ତୁ ମିଛେଇ ପ୍ରିୟତମା ।