ମିଛ ଥିଲା ତୁମ ପ୍ରେମ
ମିଛ ଥିଲା ତୁମ ପ୍ରେମ
ପ୍ରଥମ ଦେଖାରେ ଚି଼ହ୍ନି ନଥିଲେ ବି
ନିଜର ଲାଗିଲ ସତେ,
ଧୀରେ ଧୀରେ ପୁଣି କେମିତି କେଜାଣି
ଭଲ ପାଇଗଲ ମୋତେ |
ଜୀବନ ବାଟରେ ବାଟୋଇ ମୁଁ ଏକା
ସାଥୀ ମୋର କେହି ନାହିଁ,
ଅନ୍ଧଭଳି ପ୍ରେମ କରୁଥିଲି ଦିନେ
ସାଥୀ ମୋ ବୁଝିଲା ନାହିଁ |
ଦେଖା କରିବାକୁ ଭାବୁଥାଏ ସିନା
ଦେଖି ନିର୍ବାଚନ ରହେ,
କହିବାକୁ ଥିଲା ଯେତିକି ତୁମକୁ
ଦେଖୁ ଦେଖୁ ଭୁଲି ଯାଏ |
ଦୁନିଆଟା ପରା ଛଳନାରେ ଭରା
ପାରୁନିଗୋ ଯମା ସହି,
ଅଭୁଝା ଏ ମନ ମାନୁନି ମୋହର
ପ୍ରତିକ୍ଷାରେ ରହେ ଚାହିଁ |
ତୁମ ମିଛ ପ୍ରେମ ପାଖେ ପଡେ ବଳି
ନିରୀହ ହୃଦୟ ମୋର,
ପ୍ରତାରଣା ଜ୍ବାଳା ଜଳିଜଳି ମାରେ
ହୃଦ କରେ ହାହାକାର |
ତଥାପି ତୁମକୁ କରିଛି ଅପେକ୍ଷା
ଫେରିଆସ ପ୍ରିୟତମା,
ହୃଦୟ ମନ୍ଦିରେ ସାଇତି ରଖିବି
ନୀତି କରୁଥିବି ପୂଜା |
କଥା ଦେଲି ପ୍ରିୟା ମଥା ଛୁଇଁ ତୁମ
ସମ୍ପର୍କ ଏ ସିନ୍ଦୁରର।
ଜୀଇଁ ଥିବା ଯାଏଁ ତୁମେ ଥିବ ସାଥେ
କରିବିନି କେବେ ପର।
ନୁହେଁ ମୁଁ ଭାବୁକ ନୁହେଁ ମୁଁ ଲେଖକ
ନୁହେଁ ଅସ୍ତଗାମୀ ରବି।
ହୃଦୟରୁ ପଦେ ଲେଖିଲି କାଗଜେ
ନଭାବିବ ମୋତେ କବି |