ମାଆ

ଦଶମାସ ଦଶଦିନ ଗର୍ଭେ ରଖିଲା

ତା ହାତ ଧରି ମୋତେ ବାଟ ଚଲାଇଲା ll

ସବୁ ଅଳି ଅଝଟକୁ ସେ ସାହିଯାଏ

ଦିନେ ହେଲେ ବି ସିଏ ପଦେ କହିନଥାଏ ll

ମୁଁ ନଖାଇଲେ ସିଏ ଖାଇ ନଥାଏ

ଫେରିବାଟକୁ ମୋର ଚାହିଁ ରହିଥାଏ ll

ଖେଳୁଥିଲା ବେଳେ ଯଦି ପଡି ମୁଁ ଯାଏ

'ଧନ' ବୋଲି କହି ମୋତେ ସେ ଉଠାଇଦିଏ ll

ଯେତେ ଧୂଳି ଲାଗିଯାଏ ମୋ ଦେହରେ

ତା କାନିରେ ସିଏ ସବୁ ଝଡିଦିଏ ll

ଜହ୍ନ ମାମୁକୁ ଦେଖାଇ ମୋତେ ଖୁଆଇ ଦିଏ

ଧୋ ବାଇଆ ଗୀତ ଶୁଣାଇ ଶୁଆଇଦିଏ ll

ଥରେ ଶୋଇପଡିଲେ ମାଆର କୋଳରେ

ଏମିତିକି ଲାଗେ ମୋତେ ସବୁ ସୁଖ ମିଳିଯାଏ ll

ଫେରି ଆସନ୍ତା କି ମୋ ଛୁଆ ବେଳ

ମାଆ ସହିତ ମୋର କାଟନ୍ତି ସମୟ ll