ମିଛ ଦୁନିଆ

ସବୁ ମିଛ ଲାଗେ ତଥାପି ଏ ମନ ଜମା ବୁଝେନା

ମିଛ ଏ ଦୁନିଆ ପୁଣି ମିଛ ଭାବନା l

ଅଢ଼େଇ ଦିନର ବଢ଼େଇ କଥାରେ

ବୃଥା ଅଭିମାନେ ଦିନକୁ ସାରେ l

ଜୀବନ ଏଠି ପାଣି ଫୋଟକା ସମ

ଆଖି ଦେଖେ କେତେ ପୁଣି ମିଠା ସପନ l

ବିରାଟ ଦ୍ରୁମ ପରି କାୟା ବିଛାଏ

ଶୈଶବରୁ ବାର୍ଦ୍ଧକ୍ୟ ମାୟାରେ ପଡେ l

ସଂସାର ମାୟାରେ ପଡି ହଜେ ସ୍ବପ୍ନ ପୁରୀରେ

ଉତଫୁଲ୍ଲିତ କରେ ଛାତି ମାତି ଗର୍ବରେ l

ଧନ, ଜନ, ସୁବର୍ଣ୍ଣକୁ କରି ଗହଣା

ଅଟ୍ଟାଳିକା ଗଢେ ପୁଣି ଦେଇ ପାଉଣା l

ଜୀବନର ମୂଲ୍ୟ ସେତ କିଛି ବୁଝେନା

ଧନଗର୍ବ ମୋହେ ପଡି ହଜାଇ ଦିଏ ସେ ସୁନେଲି ଭାବନା l

ମିଥ୍ୟା ଗର୍ବେ ମାଡ଼ିଯାଏ ଭାବେ ମୁଁ କଂସ ରାବଣ

ଏଠି ସବୁ ମିଛ ଲାଗେ ଘଟରୁ ଛୁଟିଲେ ପ୍ରାଣ l

ଅନ୍ଧକାରେ ଯେପରି ମାଡିଆସେ କୁହୁଡ଼ି

ମିଛ ଦୁନିଆ ଦିନେ କ୍ଷୟ ହେବ ଯିବା ସଭିଏଁ ବାହୁଡ଼ି l

ଅଭିନୟର କାଳାଂଶ ଦିନେ ପୁରିତ ଯିବ

ଯାହା ଲାଗୁଥିଲା ମରୁଝର ସମ ମରୀଚିକା ଲାଗିବ l

ବେଳହୁଁ ସାବଧାନ ମନକୁ କଲେ

ଏ ମିଛ ଦୁନିଆରେ ସତ ଏକା କାଳିଆ ଲାଗିବ ଭଲେ ll