ମିଛ ଅହମିକା
ମିଛ ଅହମିକା
ଏଇ ଜୀବନ ଟା ନୁହଁଇ ମୋହର
ଅଟେ ଈଶ୍ବରଙ୍କ ଦାନ
କାହା ମୁଖେ ଯଦି ହସ ଦେଇଯିବି
ସେହି ହେବ ମହା ପୁଣ୍ୟ ।(୧)
ଆଜି ମରିଗଲେ କାଲି କି ଦି ଦିନ
ଫେରିଯିବି ଶୂନ୍ୟ ହାତେ
ତଥାପି ମନ ରେ ମିଛ ଅହମିକା
ସବୁ ମୋର ବୋଲି କେତେ ।(୨)
ଆପଣା କିଏ ସେ ଅବା କିଏ ପର
ଭାବିବାକୁ ନାହିଁ ବେଳ
ହାରିଲି ଜିତିଲି ପାଇ ହଜେଇଲି
ସାରି ବାକୁ ହେବ ଖେଳ ।(୩)
ଅଢେଇ ଦିନର ଅତିଥି ଟେ ମୁହିଁ
ଭାବେ ସବୁ ଅଟେ ମୋର
ମିଛ ଲୋଭ ମାୟା ମୋହକୁ ତେଜିଲେ
ସଂସାରୁ ହୋଇବି ପାର ।(୪)
ମାଟି ଦେହ ଦିନେ ମିଶିବ ମାଟିରେ
ତା ପାଇଁ କେତେ ଯତନ
ଚିତ୍ର କର ସମ ବୋଳି ଦେଉଅଛି
ରଙ୍ଗ କେତେ ଭିନ୍ନ ଭିନ୍ନ।(୫)
ମୋର ବୋଲି ଯାହା ସାଇତି ରଖିଛି
ଲୋଡା କିଛି ହେବ ନାହିଁ
ଛ' ଖଣ୍ଡ ବାଉଁ ଶେ କୋକେଇ ହୋଇବ
କାନ୍ଧେ ବୋହିନେବା ପାଇଁ ।(୬)
ଜୀବ ଛାଡି ଗଲେ ବନ୍ଧୁ ପରିଜନ
ଛୁଇଁ ବେନି ମଡ଼ା କହି
ମୁଠାଏ ପାଉଁଶ ହେବ ଏ ଶରୀର
ନ ପାରିବେ ଚିହ୍ନି କେହି। (୭)
ଆତ୍ମୀୟ ସ୍ୱଜନ ନ ଯିବେ ସଙ୍ଗତେ
କେହି ଜଣେ ଆପଣା ର
ହରି ନାମ ଏକା ସାହା ଟି ହୋଇବ
ଏ ଭବୁ କରିବ ପାର ।(୮)