ମହୁ

ଆକାଶରୁ ବର୍ଷା ମହୁଢାଳ 

ଝରିଲେ ମାଟିମା ଫଳାଇବ ସୁନାଫଳ 

ନଈ ନାଳ ହ୍ରଦ ସମୁଦ୍ର ହେବ ଚଞ୍ଚଳ 

ଋତୁମାନେ ସବୁ ଧରି ମହୁଗରା 

ଆସିବେ ଧରା ପରେ ନେଇକି ପସରା 

ଯେମିତି ଗ୍ରୀଷ୍ମରେ ଖରା 

ଅଳିଆ ଆବର୍ଜ୍ଜନା ପରିଷ୍କାର କରି ତୋରା 

ବରଷା ବାରିରେ ଅମୃତ ଝରା 

ଶୀତରେ ଶିଶିର ମୁକ୍ତା ଭରା 

ଘାସରୁ ପତର ଲତାରୁ ଦ୍ରୁମ ସାରା 

ଫଳନ୍ତି ବୃକ୍ଷ ଭାରେ ଭରା ନୁଆଁନ୍ତି ମୁଣ୍ଡ ପରା 

ନଈରେ ଚହଲା ପାଣି 

ସୂର୍ଯ୍ୟଙ୍କ ରଶ୍ମି ଗଉଣୀ 

ପାଣିରୁ ନିଅଇ କେତେ କଥା ଛାଣି 

ପଇସା ଯେମିତିକା ନିଅ ଗଣି 

ପାହାଡୁ ଝରଣା ପୁଣି 

ସମୁଦ୍ର ମିଶି ଚିଲିକା ମୁହାଣେ ମୁଣି 

 ପଶୁ ପକ୍ଷୀ ମାଛ ଡ଼ଲଫିନ ଶାଙ୍କୁଶ ଜାଣି 

କୋଇଲି କଣ୍ଠରେ କୁହୁ 

ନାଲିଆ ପାଟରେ ସାଧବ ବୋହୁ 

ପ୍ରଜାପତି ଉଡି ଉଡି ଯାଉ ଯାଉ 

କୁକୁରର ଭୁଉ ବିଲେଇର ମ୍ୟାଉଁ 

ସବୁରେ ଏତେ ମହୁ 

ଜୀଉ ଜୀଉ ଏ ଜୀବନେ 

ଗୀତିଶୀଳତା ଏମିତି ଲାଗି ରହୁ 

ସୂର୍ଯ୍ୟ ଚନ୍ଦ୍ର ଆକାଶ ସମୁଦ୍ର 

ଏକରେ ଅନେକ ଅନେକରେ ଏକ ହେଉ