ମହତ୍ଵ

ସୂର୍ଯ୍ୟଙ୍କ ମହତ୍ଵ ଅନୁଭବ ହୁଏ ପାଗଟା ମେଘୁଆ ହେଲେ,

ଚକ୍ଷୁର ମହତ୍ଵ ଅନୁଭବ ହୁଏ ଡୋଳା ନଷ୍ଟ ହୋଇଗଲେ |

ଖାଦ୍ୟର ମହତ୍ଵ ଅନୁଭବ ହୁଏ ଉପବାସ ରହିଥିଲେ,

ପାଦର ମହତ୍ଵ ଅନୁଭବ ହୁଏ କେବେ ଯଦି ଗୋଡ଼ ଫୁଲେ |

ଦାନର ମହତ୍ଵ ଅନୁଭବ ହୁଏ ଉପଯୁକ୍ତ ପାତ୍ର ଥିଲେ,

କାନର ମହତ୍ଵ ଅନୁଭବ ହୁଏ ଶ୍ରବଣ ଶକ୍ତିଟା ଗଲେ |

ଛତାର ମହତ୍ଵ ଅନୁଭବ ହୁଏ ଟାଣଖରା ବର୍ଷାବେଳେ,

ଜୋତାର ମହତ୍ଵ ଅନୁଭବ ହୁଏ ଅବାଟରେ ଚାଲୁଥିଲେ |

ସ୍ଵଚ୍ଛର ମହତ୍ଵ ଅନୁଭବ ହୁଏ ରୋଗ-ବ୍ୟାଧି ବ୍ୟାପିଥିଲେ,

ଗଛର ମହତ୍ଵ ଅନୁଭବ ହୁଏ ଜଳବାଯୁ ବଦଳିଲେ |

କାମର ମହତ୍ଵ ଅନୁଭବ ହୁଏ ଟିକିଏ ଅପେକ୍ଷା କଲେ,

ଧର୍ମର ମହତ୍ଵ ଅନୁଭବ ହୁଏ ପୁଅ-ଝିଅ ବଡ଼ହେଲେ |