ମହୋତ୍ସବ

ଏହି ଶୀତ ଦିନେ ବଜାର ସ୍ଥାନରେ

ମହୋତ୍ସବ ମାନ ହୁଏ

ଦୋଳି ଦୋକାନରେ ଦେଖେଣାହାରୀଙ୍କ

ମନ ପୁରା ଲାଖିଯାଏ ।

ନାନା କିସମର ଉଜ୍ଜଳ ଆଲୋକେ

ଦୂରରୁ ସୁନ୍ଦର ଦିଶେ

ଦିନଠାରୁ ବେଶୀ ଭିଡ଼ ହୋଇଥାଏ

ରାତି ଯେବେ ପରା ଆସେ ।

ନୃତ୍ୟ ପ୍ରଦର୍ଶନୀ ସହ ମାନ୍ୟଗଣ୍ୟ

ଅତିଥି ଯେ ଆସିଥା'ନ୍ତି

ଯାହା ଖୋଜିଥାଉ ସବୁ ମିଳିଥାଇ

ଆଗ୍ରହେ ଲୋକେ କିଣନ୍ତି ।

ଚାର୍ଟ, ଗୁପ୍ ଚୁପ୍, ଠୁଙ୍କାପୁରୀ, ଦୋସା

ଖାଦ୍ୟଦ୍ରବ୍ୟ ବିକ୍ରି ହୁଏ

ସବୁଥିରୁ ଟିକେ ଟିକେ ଖାଇଦେଲେ

ପେଟ ପୁରା ପୁରି ଯାଏ ।

ମହୋତ୍ସବ ମଧ୍ୟେ ଦୂର ଦୂରାନ୍ତର

ସାଙ୍ଗସାଥୀ ହୁଏ ଭେଟ

ଖୁସି ହେଇଯାଉ କୋଳାକୋଳି ହେଉ

ଖୁସିରେ ପୂରଇ ପେଟ ।

ଜଞ୍ଜାଳ ଭିତରେ ସାଂସ୍କୃତିକ କାର୍ଯ୍ୟ

ଦେଇଥାଏ ପରା ଖୁସି

ଖୁସି ଠାରୁ ବଡ଼ ଏହି ସଂସାରରେ

କ'ଣ ଭାଇ ପରା ଅଛି ।

କମିଟି ସଦସ୍ୟ ଲଟେରୀ କାଟନ୍ତି

ମହୋତ୍ସବ ଶେଷଦିନ

ବିଜେତା ମାନଙ୍କୁ ଉପହାର ସବୁ

କରିଥା'ନ୍ତି ସମର୍ପଣ । 

ମେଳା ମହୋତ୍ସବ ଲାଗେ ଭାରି ଭଲ

ସାଥେ ଗଲେ ପରିବାର

ପସନ୍ଦର ଦ୍ରବ୍ୟ କିଣୁ ବୁଲା ବୁଲି

ଦିଅଇ ଖୁସି ଅପାର ।