ମହିଷମର୍ଦ୍ଦିନୀ ସ୍ତୁତି

କୃଶାନୁ ସମ୍ଭୁତା କୃପାଦାୟିନୀ

ବୃଷାସନ ପ୍ରିୟା ବିଶ୍ୱମୋହିନୀ

ରସାଭୂଷା ଯୋଷା ବରବର୍ଣ୍ଣିନୀ

କୁଶାସନ ମେଷାସନ ବନ୍ଦିନୀ

ବିଶାଖ ପ୍ରତିପାଳିନୀ

ଭୂଷା ଜବାହର  କୃପାଣ ଖର୍ପର

  ମଣ୍ଡିତ ମୁଣ୍ଡ ମାଳିନୀ |

ଶର୍ବାଣୀ ଭବାନୀ ଭଵ ସଙ୍ଗିନୀ

ଗୀର୍ବାଣି ଗୀର୍ଵାଣ ସେବ୍ୟ ବନ୍ଦିନୀ

ନିର୍ବାଣ ପରମ ପଦଦାୟିନୀ

ପର୍ବାଣେ ବାଣ କମାଣ ଧାରିଣୀ

ଗୀର୍ବାଣେଶ ସଂପୂଜିନୀ

ଅର୍ବାଚୀନ ନରେ ଶକ୍ତିକରଣରେ

  କରୁଣାମ୍ବୁ ବରଷିଣୀ |

ମହିଷମର୍ଦ୍ଦିନୀ ଦୈତ୍ୟଦଳିନୀ

ମହୀଭାରା ହରି ବିଶ୍ଵପାଳିନୀ

ଅହିରାଜଭୂଷା ଅଟ୍ଟହାସିନୀ

ବହି ତ୍ରିନୟନ ଦରନାଶିନୀ

ମହୀଧର ବିଳାସିନୀ

ରହି ବିନ୍ଧ୍ୟାଦ୍ରିରେ ରମି ହିମାଦ୍ରିରେ

    ମଳୟେ ଅବଗାହିନୀ |

ଗଜାରି ବାହିନୀ ମେଘ ବର୍ଣ୍ଣିନୀ

ଗଜାନନ ମାତ ଜ୍ଞାନରୂପିଣୀ

ଭୂଜାପତି ଊର୍ଜା ବରଦାୟିନୀ

କୁଜାତାପ ନିସୂଦିନୀ

ବାଜାବଜା ଦୋଷୀ ଭଜେ ଦିବାନିଶି

   ଝରା କୃପା ନିସ୍ୟନ୍ଦିନୀ |