ମହାସ୍ନାହାନ

ବରଷକେ ଥରେ ସୁନାକୂଅ ଜଳେ

ମୋ ଜଗା କରିବ ମହାସ୍ନାହାନ,

ସେ ଜଳ ସ୍ପର୍ଶରେ ଧନ୍ୟ ହୋଇଯିବ

ମୋର ଏ ମଣିଷ ଜନ୍ମ।

ଆଜି ତ ମୋହରି ଜନମ ଦିନ

ହୋଇଥିଲି ତାର ମହାସ୍ନାନ ବେଳେ

ନିଜକୁ ମଣୁଛି ଆଜି ମୁଁ ଧନ୍ୟ।

ଆଜି ମୋ ଜଗାର ମହାସ୍ନାନ।

ତା ସ୍ନାନ ଜଳକୁ ଢୋକେ ପିଇ ଦେଲେ

ପବିତ୍ର ହୋଇବ ଏ ଆତ୍ମା ଦେହ ମନ।

ଆଜି ମୋ ଜଗାର ମହାସ୍ନାନ।

ତାର ସ୍ନାନ ଜଳ ଧରାରେ ପଡିଲେ

ହୋଇ ଯିବ ମହାମାରୀ ଦୂର।

ଚତୁର୍ଦ୍ଧାମୂର୍ତ୍ତି ସ୍ନାନ ବେଦୀ ପରେ

ସଭିଙ୍କୁ ଦରଶନ ଦେବେ 

ଏ ଧରାଧାମର ଦୁଃଖ ବିପତ୍ତିରୁ 

ସଭିଙ୍କୁ ସେ ତ ଉଦ୍ଧାରିବେ।

ମହାସ୍ନାହାନ ଜଗା କରିବେ।

ମହାସ୍ନାନ କରି ଦୁଃଖ ହରିନେଇ

ମୋ ଜଗା ବଳିଆ ଜରେ ଶୋଇବେ

ଅଣସର ଘରେ ଏକା ରହିବେ।

ଲୀଳାମୟ ହରି ବିଚିତ୍ର ଲୀଳାରେ

ଜଗତଜନଙ୍କୁ ସୁଖ ଶାନ୍ତି ଦେବେ।

ମହାସ୍ନାନ ଆଜି ଜଗା କରିବେ।