Revolutionize India's governance. Click now to secure 'Factory Resets of Governance Rules'—A business plan for a healthy and robust democracy, with a potential to reduce taxes.
Revolutionize India's governance. Click now to secure 'Factory Resets of Governance Rules'—A business plan for a healthy and robust democracy, with a potential to reduce taxes.

Prajna Paramita Mohanty

Inspirational Others

4  

Prajna Paramita Mohanty

Inspirational Others

ମହାମାରୀ

ମହାମାରୀ

1 min
26


ଚାଲ ଫେରିଯିବା, ପୁଣି ଥରେ ସେଠାକୁ

ନୀଡଫେରନ୍ତା, ଘରବାହୁଡା---ଏକାନ୍ତ, ସଙ୍ଗରୋଧ, ଅଥଚ ନିଶ୍ଚିନ୍ତ !

ଥମିଯିବା ଟିକେ, ଅଟକି ଯିବା କିଛି ସମୟ,

"କାହାଲାଗି ଗଲା ପୁତ୍ର ବାହୁଡି ନଇଲା",ପୁତ୍ର ଏବେ ବାହୁଡି ଆସିଛି ମଥୁରାକୁ ।


"ବିଶ୍ଵ ଦେଖ ମଧୁମୟରେ" ବର୍ତ୍ତମାନ "ବିଶ୍ଵ ଦେଖ ଭୟାବହ"

କଣ୍ଟକ କି ପ୍ରତିରୋଧ, 'ତୋ ଲାଗି ଗୋପଦାଣ୍ଡ ମନା !'

'ହେଜେନବର୍ଗ'ଙ୍କ ଅନିର୍ଦ୍ଦିଷ୍ଟତାରୁ ବି ବଳିଯିବ ଏ ଅଲଙ୍ଘ୍ୟ ସର୍ତ୍ତ---ନିୟମ, ସଂଯମ, ସଂଭ୍ରମ ଓ ସପ୍ରେମ !


ମନେପଡୁଛି କେଉଁ ଏକ ଚଳଚ୍ଚିତ୍ରର ନାମ, "ଫାର ଫ୍ରମ ଦି ମାଡିଙ୍ଗ କ୍ରାଉଡ";

ବିଷମସଙ୍କଟ, ସ୍ଥିତି ଗମ୍ଭୀର !

ସହରସାରା ଯେ କରଫ୍ୟୁ

ପରିସ୍ଥିତି ସଙ୍ଗୀନ, ଦୋଦୁଲ୍ୟମାନ !

ଯେପରି ପଚାରୁଛି ଅଯୋଧ୍ୟା କେତେ ବାଟ ?

ନିରୁତ୍ତର, ନୀରବ, ନିଃଶବ୍ବ ! 


ମାଳିକାର ଭବିଷ୍ୟବାଣୀ ବୋଧହୁଏ,

      ସତେ କଣ ପୃଥିବୀ ଧ୍ଵଂସ ଆଡକୁ ଗତିକରୁଛି ?

      ସତେ କଣ ଏକ ଯୁଗର ଅବସାନ ଘଟିବାକୁ ଯାଉଛି ?

ପ୍ରଶ୍ନବାଚୀ ? ବିରାଟ ପ୍ରଶ୍ନବାଚୀ ???


ଅପ୍ର।କୃତିକ ଜୀବନଯାତ୍ରାର ଅନ୍ତିମ ପରିଣତି ଯେ ସର୍ବଦା ଭୟଙ୍କର !

ଉପାୟ: ସାମାଜିକ ଦୂରତା ରକ୍ଷା, ଜରୁରୀ ମଧ୍ୟ;

ଯାହାକି ବର୍ତ୍ତମାନର ଗୋଷ୍ଠୀ ସଂଘର୍ଷ, ଦଳଗତ ଆକ୍ରମଣ, ହିଂସାଠୁ ଢେର ପ୍ରଭାବୀ ।

ପ୍ରାକୃତିକ ଜୀବନଶୈଳୀ, ମାନସିକତା ଓ ଦୃଷ୍ଟିଭଙ୍ଗୀରେ ସକରାତ୍ମକ ବିଚାର, 

କିନ୍ତୁ ମାନବିକତାର ଅବକ୍ଷୟ ନ ଘଟୁ ।


କିଛି କ୍ଷଣର ବିରାମ; କିଛି ସମୟର ବିଶ୍ରାମ,

ପୁଣି ଥରେ ହସିଉଠୁ ଧରଣୀ, 

ହୋଇଉଠୁ ସମଗ୍ର ମାନବଜାତି, ଜୀବଜାତି ।

'ବସୁଧୈବ କୁଟୁମ୍ବକମ' ନୀତିରେ ଜାଗିଉଠୁ ସଂପ୍ରୀତି ।

ଲହରାୟିତ ହେଉ 'ସର୍ବେ ଭବନ୍ତୁ ନିରାମୟଃ'ର ସ୍ତୁତି । 




Rate this content
Log in

Similar oriya poem from Inspirational