ମହାକାଳୀ

ମହାକାଳୀ ଆସ ତୁମେ   ବିକ୍ରାଳରୂପ ବେଶ ସାଜି

     ଜଗତର କଲ୍ୟାଣ ପାଇଁ

ରକ୍ତ ଶୋଷ ରାକ୍ଷସ    ପିଶାଚ ପାପୀର

    ଭକ୍ତକୁ ଦିଅ ଅଭୟ ଆଶିଷ ll

ନବରାତ୍ରିର ଅମାବାସ୍ୟା   ଘୋର ଅନ୍ଧକାର

    ଶ୍ମଶାନରେ ହେଲ ଉଭା

ତନ୍ତ୍ର, ମନ୍ତ୍ର ସାଧିକାକୁ    ସିଦ୍ଧି ବରଦେଇ

   ପୂଜା ପାଇଲ ଶ୍ମଶାନବାସିନୀ ହୋଇ ll

ଶ୍ୟାମାକାଳୀ ରୂପମୟୀ   ନରକଙ୍କାଳ ଧାରିଣୀ

   ରକ୍ତବୀଜ ନାଶିନୀ ମାଆ ସିଦ୍ଧିଦାତ୍ରୀ

ଜାଗ୍ରତ ଲୋଳଜିହ୍ୱା    ସୃଷ୍ଟିର ଭୟ ବିନାଶି

   ଶିବରୁଢା ଶାନ୍ତି ପ୍ରଦାୟିନୀ ll

ମହାମୟୀ ଜଗତଜନନୀ   ଆତୁରେ କରୁଛି ଆବାହନ

     ଦୀପ ଜଳୁ ସତବୁଦ୍ଧିର

ନାରୀ ସମ୍ମାନ ଶିଖରରେ ବଢୁ  ତୁମ ଦିବ୍ୟ ଆଗମନେ

    ପୃଥିବୀରେ ଦୁଃଖୀ ହସୁଁ ଲହରୀ ମାଳେ ll