ରାକ୍ଷୀ ବନ୍ଧନ

କେବେ ଜନ୍ମର କେବେ ବନ୍ଧନର

   ରାକ୍ଷୀ ବନ୍ଧନ ପ୍ରେମର

ବାନ୍ଧିଲି ଭାଇହାତକୁ ତୋର

   ରଖିବୁ ମୋର ଚିର ମାନ ସମ୍ମାନ l

ରାକ୍ଷୀ ଏକ ରେଶମର ଡୋରି

   ଯେତେ ଭାଙ୍ଗିଲେ ବି ଭାଙ୍ଗି ହୁଏନି

ସେ ଭାଇ ଭଉଣୀର ସ୍ନେହ ସମ୍ପର୍କ

   ପବିତ୍ର ରାକ୍ଷୀ ପୂର୍ଣ୍ଣିମାର ଯୋଗସୂତ୍ର l

ଶ୍ରୀକୃଷ୍ଣ ହାତେ ଦ୍ରୌପଦୀ ବାନ୍ଧିଥିଲେ ରାକ୍ଷୀ

   ତେଣୁ ରଖିଥିଲେ ତା' ସମ୍ମାନ

କୁରୁସଭାରେ ଦେଇ କୋଟି ବସ୍ତ୍ର

   କୃଷ୍ଣ ଦେଇଥିଲେ ସେ ଅମୂଲ୍ୟ ଉପହାର l

ଏମିତି ମୋ ହୃଦୟରେ ଅଛ ଭଉଣୀ

    ଯେବେ ଦୁଃଖରେ ଭାଙ୍ଗି ପଡ଼ିବୁ

ରକ୍ଷା କବଚ ଭାବେ ହୋଇ ଉଭା

    ଢାଙ୍କି ଦେବି ଖୁସିର ଲହରୀ ଆଣି ।

ଆଜି ଭଗବାନ ନିକଟରେ ଏତିକି ବିନତୀ

   ସବୁ ଜନମରେ ହେଇଥାଅ ମୋ ଭଉଣୀ

ଏ ସମ୍ପର୍କ ହୀରା, ମୋତି ଠୁ ଅଧିକ

   ଯେଉଁଠି ବି ଯିବୁ ଖୁସିରେ ଥିବୁ l