ଜାଣେନା ପ୍ରିୟା

  ତୁମେ ଦିନେ ମୋତେ ଭଲପାଇଥିଲ

         ସତରେ ହେଉ ଅବା ମିଛରେ

         ଜାଣେନା ପ୍ରିୟା କେଉଁ ବାହାନାରେ

         ପରଦେଶୀ ବଉଦ ଆକାଶେ

         ଅସୁମାରୀ ଇନ୍ଦ୍ରଧନୁ ଦେଖେଇ

         ଲିଭେଇ ଦେଇଗଲ ତୁମହାତରେ

         ବୋଧେ ଏ ପ୍ରକୃତିର ନିୟମ ଥିଲା

         ତୁମେ ମୋ ଠୁ ଦୂରେଇ ଯିବା ।

        ବେଳେବେଳେ, ଜୀବନ ବି ପରକରିଦିଏ

        ନିଜ ନିଶ୍ୱାସକୁ ମାରି,

        ଭଲପାଉଥିବା ସେ ବିକଳ ହୃଦୟଟା

        କାହିଁ କାହା ସ୍ମୃତିରେ ଭାଙ୍ଗିପଡେ

        ଜାଣିପାରିନା କିଛି,

        ପୁଣି ବିରହ ମନ ଛଳନାରେ କହେ

        ହସି ହସି ।

        ହେଲେ ତୁମେ ଏବେ ନାହଁ

        ମୋ ମନ କାଗଜରେ

        ଭୁଲିବା ପୂର୍ବରୁ ଲିଭେଇ ଦେଇସାରିଛି

        ଝରିପଡୁଥିବା ଟୋପାଏ ଲୁହର ବିନ୍ଦୁ ।

       ନିରୋଳାରେ ତୁମେ ମନେପଡୁଥିଲ ଦିନେ 

       ସେହି ଅଭୁଲା ମୁହୂର୍ତ୍ତରେ

       ବର୍ତ୍ତମାନ ମନେପଡୁଛ ତୁମେ 

       ମୋ ଝରୁଥିବା ଲୁହରେ ।

       ଜାଣେନା ପ୍ରିୟା ତୁମେ କେଉଁଠିଥିବ

       କାହା ସାଥିରେ ଥିବ

       କେମିତି ଅବା ଥିବ,

       ଯାହା ସାଥିରେ ବି ରୁହ

       ହସଖୁସିରେ ଥାଅ l