ମହାଗୁରୁ ସର୍ବପଲ୍ଲୀ

ସର୍ବପଲ୍ଲୀ ତୁମେ ସର୍ବଜନାଦୃତ

  ସମୟର ପଥଧାରେ

ଶିକ୍ଷାଦାନେ ଥିଲ ଆଜୀବନ ରତ

  ଛାତ୍ରଛାତ୍ରୀ ଉପକାରେ ।

ଖାଲି ଗୁରୁ ନୁହଁ ବିଶ୍ୱଗୁରୁ ଥିଲ

  ସଭିଙ୍କ ହୃଦୟ ଛୁଇଁ

ପୃଥିବୀ ବିଖ୍ୟାତ ଦାର୍ଶନିକ ତୁମେ

  ଗର୍ବିତ ଭାରତ ଭୂଇଁ ।

ଦଳୀୟ ନୀତିରୁ ଉର୍ଦ୍ଧ୍ୱରେ ରହିକି

  ନୂଆ ପାଠ ପଢାଇଲ

ଉପରାଷ୍ଟ୍ରପତି ରାଷ୍ଟ୍ରପତି ପଦ

  ଗଉରବ ବଢାଇଲ ।

ରାଷ୍ଟ୍ରଦୂତ ଭାବେ ତୁମରି କାମକୁ

  କେବେ ଭୁଲି ହେବନାହିଁ ।

ରୁଷିଆ ସହିତ ନିବିଡ଼ ସଂପର୍କ

  ତୁମରି ପରଶ ପାଇ ।

ସହନଶୀଳତା କର୍ତ୍ତବ୍ୟନିଷ୍ଠାରେ

  ହେବେ ନାହିଁ କେହି ସରି

ନିଜ ପଦବୀର ମର୍ଯ୍ୟାଦା ରଖିଛ

  ଦାୟିତ୍ୱ ନିର୍ବାହ କରି ।

ଜନମ ଦିନରେ ପ୍ରଣତି ଘେନ ହେ

  ମହାଗୁରୁ କାଳଜୟୀ

ବିରାଟ ବ୍ୟକ୍ତିତ୍ୱ ପ୍ରଜ୍ଞା ଶକ୍ତି ଦେଖି

  ମସ୍ତକ ଯାଉଛି ନଇଁ ।

   ******