ମହାଭାରତ

କୁନାରେ ତୋତେ କହୁଛି ଆଜି

     ମହାଭାରତ କଥା

ଶୁଣିଲେ ଧନ ସେଇ କାହାଣୀ

     ଘୁରି ଯାଉଛି ମଥା ।

ଏ'ପାଖେ କୌରବ ସେ'ପାଖେ ପାଣ୍ତବ

     ରଚିଲେ ମହାଭାରତ

ସେ ମହାଭାରତେ ଯୋଗ ଦାନ ଦେଲେ

     ସ୍ବଂୟ ପ୍ରଭୁ ଲକ୍ଷ୍ମୀକାନ୍ତ ।

ଏକ ପଟେ ଧର୍ମ ଅନ୍ଯ ପଟେ ପାପ

    ହୋଇଲା ଦୁଇ ବିଭକ୍ତ

ଧର୍ମର ସ୍ଥାପନା ପାଇଁକି ଶ୍ରୀକୃଷ୍ଣ

    ନେଲେ ଏକ ପଦକ୍ଷେପ ।

ପାଣ୍ତବ ପକ୍ଷରେ ଅର୍ଜୁନ ରଥରେ

    ରହିଲେ ସାରଥି ରୂପେ

ବିଜୟର ପଥେ ନେଲେ ପାଣ୍ତବଙ୍କୁ

    ଚଢି ନନ୍ଦିଘୋଷ ରଥେ ।

ସାମକ ପଞ୍ଚକରେ ଯୁଦ୍ଧ ଆରମ୍ଭିଲେ

     ପାଣ୍ତବ କୌରବ ମିଶି

ରକ୍ତାତ ହୋଇଲା କୁରୁକ୍ଷେତ୍ର ଭୂଇଁ

    ପାପି ମାନଙ୍କୁ ଯେ ନାଶି ।

ପିତାମହ ଭିଷ୍ମ ଗୁରୁ ଦ୍ରୋଣାଚାର୍ଯ୍ଯ

     ଜୟଦ୍ରଥ ପୁଣି କର୍ଣ୍ଣ

ଅଶ୍ବସ୍ଥମା ସଙ୍ଗେ ସଙ୍କୁନି ଦୁର୍ଯ୍ଯୋଧନ

    ଶଲ୍ଯ ଆଉ ଦୁଃଶାସନ ।

ଲକ୍ଷ୍ଯ ଲକ୍ଷ୍ଯ ଶବ କୁରୁକ୍ଷେତ୍ରେ ଗଡ଼ି

     ଦିଶିଲା ରକ୍ତାତ ବର୍ଣ୍ଣ

କୌରବ ପକ୍ଷର ବିନାଶ ହୋଇଲା

     ଯୁଦ୍ଧ ହେଲା ସମାପନ ।

ବିଜୟ ଧ୍ବଜାକୁ ଉଡାଇ ପାଣ୍ଡବ

     ଫେରିଲେ ହସ୍ତିନାପୁର

ଧର୍ମର ସ୍ଥାପନା ହେଲା ଭାରତରେ

    ମରିଗଲେ କେତେ ବୀର ।

ଭାଇ ଭାଇ ଯୁଦ୍ଧ ଏ ମହାଭାରତ

    କୁନା ରଖିଥାରେ ମନ

ହିଂସା ଆଚରଣ ବିନାଶ ମାର୍ଗରେ

   ନେଇଥାଏ ସଦା ଜାଣ ।

ଠିକା ଠିକା କରି ଏ ମହାଭାରତ

     କରିଲି ମୁହିଁ ବର୍ଣ୍ଣତ

ଦୋଷା ଦୋଷ କେହି ଧରିବନି ବନ୍ଧୁ

     କବିତା କଲି ସମାପ୍ତ ।।