ମହାବାହୁ

ଶୂନ୍ୟ ହାତ ଆଜି ଟେକିଦେଲି ପ୍ରଭୁ ହେ

ରକ୍ଷାକର ବାରେ ମହାବାହୁ

ହଟିଆ ନାଗର ହଟ ଆଉ ନକରି

ଠିକ୍ କରିଦିଅ ସବୁ ।

ତୁମ ଛଡା ଆଉ କିଛି ମୁଁ ଜାଣିନି

ତୁମେ ତ ଭାଗ୍ୟ ବିଧାତା

ବିପଦେ ପଡ଼ିଛି ଏ ଘୋର ଅନ୍ଧାରେ

ରକ୍ଷାକର ଜଗତ କରତା ।

କଷ୍ଟ ଯନ୍ତ୍ରଣା ହେ ଅଧିକ ହୁଅଇ

ଝରୁଛି ଆଖିରୁ ଲୁହର ଧାର

କେତେ ଦିନ ପ୍ରଭୁ ପରୀକ୍ଷା କରିବ

ଆହେ ଦୟାମୟ ଉଦ୍ଧାର କର ।

ନାହିଁ କେ ସାହାରା ହୋଇ ବେସାହାରା

ପଡେ ତୁମ ପାଦ ତଳେ

ଆଶିଷର ଭିକ୍ଷା ମାଗେ ହାତପାତି

ଲୁହର ପ୍ରଦୀପ ଜାଳେ ।