ମହାବାହୁ ବୋଲି ଡାକନି ମୋତେ
ମହାବାହୁ ବୋଲି ଡାକନି ମୋତେ
କାହିଁକି କହୁଛ ମହାବାହୁ ମୋତେ
ମନରେ ରଖିଛ ଏତେ କପଟ
କାଠ କଣ୍ଢେଇଟେ ଭାବୁଅଛ ମୋତେ
ତୁଛାରେ କହୁଛ ଜଗତ ନାଥ I
ମୋର ବୋଲି ଆଉ କିଛି ମୋର ନାହିଁ
ମୋ ରତ୍ନ ଭଣ୍ଡାର ନେଲଣି ଲୁଟି
ସେଥିପାଇଁ ପରା ମନ ଦୁଃଖ ମୋର
ଲୁଚିକି ବସିଛି ପକାଇ ତାଟି I
ସ୍ୱଚ୍ଛ ମନେ କେହି ଦର୍ଶନ କରେନି
ଯେଝା ସ୍ୱାର୍ଥେ ଯାର ଥାଏଟି ମନ
ମିଛୁଟାରେ ଖାଲି କହି ହେଉଛରେ
ମୁଁ କାଳେ ତୁମର ଜୀବନ ଧନ I
ବେଶି ହୋଇଗଲା ଛଳନା କପଟ
ମୋ ନାଁ ରେ ଦଳେ ବେପାର କଲେ
ଅସଲ ଭକ୍ତ ମୋ ଦର୍ଶନ ନପାଇ
ନିରୋଳାରେ ବସି ଲୁହ ଢାଳିଲେ I
ସେପାଇଁ ଆଜି ମୁଁ ନିଜକୁ ଲୁଚେଇ
ଶ୍ରୀମନ୍ଦିରେ ଏକା ଏକା ବସିଛି
ସୁଧୁରିବ ନାହିଁ ଠକ ମାନେ ଯଦି
ବାଟରେ ତୁମକୁ କାଳ ଛକିଛି I