ମହା ଶିବରାତ୍ରି

ଫାଲ୍ଗୁନର କୃଷ୍ଣପକ୍ଷ ଚତୁର୍ଦ୍ଦଶୀ

ପୁଣ୍ୟ ମହା ଶିବରାତ୍ରି

ଉଜାଗର ରହି ଜାଗର ଜାଳିଲେ

ହୋଇଥାଏ ପାପ ମୁକ୍ତି ।

ସଂସାର କଲ୍ୟାଣେ ବିଷ ପାନ କରି

ବୋଲାଉଛ ନୀଳକଣ୍ଠ

ଏ ପାପୀ ସଂସାରୁ ଉଦ୍ଧାର ପ୍ରଭୁହେ

ହରି ନିଅ ଦୁଃଖ କଷ୍ଟ ।

ଅରଖ ଦୁଦୁରା କେତକୀ ପଳାସ

ଗୋରସ ବେଲପତର

କଦଳୀ ନଡ଼ିଆ ନୈବେଦ୍ୟ ସମର୍ପି

ଜପେ ମନ୍ତ୍ର ପଞ୍ଚାକ୍ଷର ।

ଜାଗରରେ ଆଜି ହୋଇ ଉଜାଗର

ଜାଳୁଛି ଭକ୍ତି ପ୍ରଦୀପ,

ପଶୁପତିନାଥ ହେ ଭୋଳା ମହେଶ

ବିନାଶ ମୋ ସର୍ବ ପାପ ।

କାଶୀ ବଦ୍ରିନାଥ ପ୍ରଭୁ ଭୋଳାନାଥ

ତୁମେ ହେ ଦଗଦିଶ୍ଵର

ମୁଁ ପାପୀ ପାମର ଶରଣେ ତୁମ୍ଭର

 ଦୋଷ ବାରେ କ୍ଷମା କର ।