ମଗୁଶୁର

ଗେଣ୍ଡୁମଣ୍ଡା ଫୁଲ ଫୁଟେ 

ଧୂପ ଦୀପ ବାସ ଛୁଟେ 

ପ୍ରଥମାଷ୍ଟମୀ ପୂଜା ନାଟେ 

ଯେଣୁ ଆସିଛି ମଗୁଶୁର 

ମାଣ ଖଟୁଲି ଝୋଟି ଚିତା 

ଲିପା ପୋଛା ରଖା ସାଇତା 

ଗୁଆ କଦଳୀପତ୍ର ପଇତା 

ନେଇ ଆସିଛି ମଗୁଶୁର 

ଲଷ୍ମୀପୁରାଣ ଘରେ ଘରେ 

ଶୁଭେ ପ୍ରତିଟି ଗୁରୁବାରେ 

ଆରିଷା କାକରା ଚିତଉରେ 

ଆସିଛି ପରା ମଗୁଶୁର 

ମାଣବସା ର ବାସ୍ନା 

ନାରୀଙ୍କ ଉପାସନା ତୃଷ୍ନା 

ଲଷ୍ମୀପୂଜା ରେ ସର୍ବେ ମଗ୍ନା 

ଆସିଛି ଆସର ମଗୁଶୁର 

ଜାଗା ବଳିଆ ଦୁଇଭାଇ 

ଲଷ୍ମୀଙ୍କୁ ଦେଲେ ଘଉଡ଼ାଇ 

ଆଣିଲେ କିପରି ଫେରାଇ 

ଶୁଣିବା ଆସିଛି ମଗୁଶୁର 

ଲଷ୍ମୀ ଦ୍ରୋହି ହୋଇ 

କେ ଅବା ଛାଡ ପାଇଥାଇ 

ସେ କଥା ଲଷ୍ମୀପୁରାଣ କହଇ 

ଆସିଛି କହିବାକୁ ମଗୁଶୁର 

ପାଚିଲା ଧାନ କ୍ଷେତ 

ସୁନ୍ଦର ଦିଶଇ ବହୁତ 

ମାଣଧାନରେ ଶୋଭାବନ୍ତ 

ଯେଣୁ ଆସିଛି ମଗୁଶୁର 

ନିଷ୍ଠା ଓ ନୈତିକତା ଭାର 

ଐଶ୍ଵର୍ଗିକ ଚେତନା ବେଭାର 

ଧାନକଟା ସ୍ବର୍ଗୀୟ ସମ୍ଭାର 

ଆଣି ଆସିଛି କେତେ କଣ ମଗୁଶୁର l