ଲାଇବ୍ରେରୀ
ପ୍ରୋଫାଇଲ୍
ମେଘର ରଙ୍ଗ ବେରଙ୍ଗ
ମେଘର ରଙ୍ଗ ବେରଙ୍ଗ
1 min
192
ମେଘର ରଙ୍ଗ ଯେବେ ନୀଳ
ମୋ ଭିତରେ ନୀଳ ଭାବାବେଗ
ମେଘର ରଙ୍ଗ ଯେବେ ସବୁଜ
ରାତି ସରି ଦିନ ବୁଣିଦିଏ ମୁରୁଜ
ମେଘର ରଙ୍ଗ ଯେବେ ହଳଦିଆ
ଆଶାର ଆଷାଢ଼ ପିଆସୀ ଅଦିନିଆ
ମେଘର ରଙ୍ଗ ଯେବେ ଲାଲ
ମେଘ ମହକ ମିଠା କଥାର ଫୁଲ
ମେଘର ରଙ୍ଗ ଯେବେ ଗୋଲାପୀ
ମାଘର ମେଘୁଆ ରେ ଯାଏ ବରଷି
ମେଘର ରଙ୍ଗ ଯେବେ କଳା
ଅଳ୍ପ ମେଘର ଗଳ୍ପ ଭିତରେ ନାଚେ ନନ୍ଦବଳା
ମେଘର ରଙ୍ଗ ଯେବେ ବାଇଗଣୀ
ଗୋଧୂଳି ସଞ୍ଜ ର ଉପସଂହାରରେ
ମେଘ ପାଦ ପଡେ ଗଣିଗଣି
ମେଘର ରଙ୍ଗ ଯେବେ ଘନନୀଳ
ନଥାଏ ମେଘର ଥଳକୂଳ
ମେଘର ରଙ୍ଗ ଯେବେ ନାରଙ୍ଗୀ
ମାଧବୀ ରାତିର ମନୋରମା ବାନ୍ଧବୀ
ମେଘର ରଙ୍ଗରେ ଏତେ ପିପାସା
ଭସାମେଘ କରେ କେତେ ଲୋକହସା
ମେଘର ରଙ୍ଗ ଯେବେ ଧଳା
ହସୁଥାନ୍ତି କାଳିଆ ଚକାଡୋଳା
କଳା ଘୁମର ମେଘରେ ନାଚେ ମୟୂରୀ
ରାମ ନାମ ଜପୁଥାନ୍ତି ଶୁକ ଓ ଶାରୀ l
