ଆମ ଗଣତନ୍ତ୍ର ଦିବସ

କେତେ କଷ୍ଟ ସହି ଇଂରେଜ ତାଡନାକୁ 

ନ ଡରି ଦେଶର ପ୍ରେମୀ 

ସ୍ୱାଧୀନତା ସଂଗ୍ରାମରେ ଝାସ ଦେଇଥିଲେ 

ଗୋରା ଶାସନରୁ ସବୁଦିନ ପାଇଁ

ମୁକ୍ତ ହେଲା ମାତୃଭୂମି ।

ପରାଧିନତାର ବେଡ଼ି ଫିଟିଗଲା

ସେହିଦିନ ଉଣେଇଶ ସତଚାଳିଶି 

ଅଗଷ୍ଟ ମାସର ପନ୍ଦର 

ରାଷ୍ଟ୍ରୀୟ ଧ୍ଵଜ ଆମର ତ୍ରରଙ୍ଗା ଉଡିଲା

ଆକାଶରେ ଫରଫର।

ଭାରତ ମାତାର ହେଲା ଜୟ

କିପରି ଆଗକୁ ଦେଶ ଯେ ଚଳିବ

ମନରେ ଆସିଲା ଭୟ ।

ବାବା ସାହେବ ଆମ୍ବେଦକରଙ୍କ ପ୍ରଚେଷ୍ଟା

କାମ ଦେଲା ପରିଶ୍ରମ

କେଉଁ ନିୟମେ ଚଳିବ ଦେଶ ଯେ ଆମର 

ଲେଖା ହେଲା ସମ୍ବିଧାନ ।

ଜାନୁୟାରୀ ଛବିଶି ଉଣେଇଶ ପଚାଶରେ

ଏହା ହେଲା କାର୍ଯ୍ୟକାରୀ 

ସେହଦିନଠାରୁ ଗଣତନ୍ତ୍ର ଦିବସ ପାଳିଲୁ

ହାତରେ ତ୍ରିରଙ୍ଗା ଧରି ।

ଆମ ଦେଶ ଆଜି ଗଣଙ୍କ ଶାସନ

ନାମ ତାର ଗଣତନ୍ତ୍ର

ଗଣଙ୍କ ଦ୍ଵାରା ଯେ ଦେଶ ଚଲେ ଆଜି 

ଶେଷ ହେଲା ରାଜତନ୍ତ୍ର।

ଆମରି ଶାସନ ଆମେ ଚଲାଉଛୁ 

ହୋଇ ଦେଶେ ନିର୍ବାଚନ ।

ଗଣତନ୍ତ୍ର ଆଜି ସାର୍ବଭୌମତ୍ୱର ଶାସନ

ଅସମତା ନାହିଁ ସ୍ଥାନ।