ଆସିଥିଲି ପ୍ରଭୁ

ଆସିଥିଲି ପ୍ରଭୁ ଆଜିର ଦିନରେ 

ତୋର ଦରଶନ ପାଇଁ 

ଦେଖି ପ୍ରଭୁ ତୋର କଳା ଯେ ଶ୍ରୀମୁଖ

ମନରୁ ଯେ ଲିଭୁନାହିଁ ।

ବହୁ ଦିନରୁ ଠକି ଚାଲିଥିଲି 

ଯିବି ବୋଲି ତୋ ଦୁଆରକୁ 

ମୁଁ କିନ୍ତୁ ନିର୍ବୋଧ କିପରି ବୁଝିବି

ସବୁ ଲୀଳା ତୋର ସବୁ ।

ତୋ ଡୋରି ନ ଲାଗିଲେ ପ୍ରଭୁ

ହେବ ଆଉ କି ତୋର ଦରଶନ ?

ସମୟ ନ ଆସିଲେ ହେବନି ଡାକରା

ଯେତେ ଥିଲେ ନିଜ ମନ ।

ଆହୋଭଗ୍ୟ ମୋର ଭାବୁଛି ମୁଁ ଆଜି

ଦର୍ଶନ ଦେଇଛୁ ସତେ !

ଏ ପାପୀ ଜୀବନ ପବିତ୍ର ହୋଇଛି

ଦୟା କରିଥିବୁ ମୋତେ।

ଯାହା ମୁଁ କରଇ , ଯାହା ମୁଁ ଚିନ୍ତଇ 

ସବୁ ଯେ ତୁମରି ଆଶିଷ

ମାଗୁଣି ଏତିକି ନାମ ତୋର ଜପି

ଜୀବନଟା ହେଉ ଶେଷ।