ଲାଇବ୍ରେରୀ
ପ୍ରୋଫାଇଲ୍
ମେଘ ବରଷଇ ଟୁପୁରୁ ଟାପୁରୁ
ମେଘ ବରଷଇ ଟୁପୁରୁ ଟାପୁରୁ
1 min
18
ମେଘ ବରଷଇ ଟୁପୁରୁ ଟାପୁରୁ
ବିଜୁଳି ଚମକେ ରହି
ଘଡଘଡି ମାରେ ତୁହାକୁ ତୁହା
ଓଳି ପାଣି ଯାଏ ବହି ll
ଫକଫକ ଡିଏଁ ବେଙ୍ଗୁଲି ନାନୀ
ବରଷା ପାଣିରେ ବୁଡି
ସାରୁ ଗଛ ମୂଳେ ବେଙ୍ଗ ଭାଇନା
ଖୁସିରେ ଛାଡ଼ଇ ରଡି ll
ଶିରାବଣ ମାସ ଧାରା ବରଷାରେ
ପୂରିଛି ପୋଖରୀ ନଈ
ବରଷା ରାତିରେ ଡାକ ଛାଡେ ନାନୀ
କେଁ କଟର ଗୀତ ଗାଇ ll
ପୋଖରୀ କୂଳରେ ବେଙ୍ଗୁଲି ନାନୀ
ତୋଳିଛି ଘରଟେ ତା'ର
ରାତି ନ ପାହୁଣୁ ଘର ବାଟେ ନାନୀ
ଚାଲେ ହୋଇ ତରତର ll
ବେଙ୍ଗ ଭାଇନା ଓ ବେଙ୍ଗୁଲି ନାନୀର
ଅଛନ୍ତି ଦୁଇଟି ପିଲା
ଜଣେ ଡିଏଁ ଖାଲି ଫକର ଫକର
ଆଉ ଜଣେ ମାରେ ଢିଲା ll
