ମେଘ ଆସିଛି ଫିଟି

କୃଷକ ଖୁସି ଓଦା ମାଆ ମାଟି 

ପକ୍ଷୀ ଦୁଃଖୀ ବସା ଓଦା କୁଟା କାଠି 

ମଣିଷ ଛାତ ଘର କରି ଉଠି 

ଚାଳ ଘର ମାଟି କାନ୍ଥ ଫାଟି 

ବାପା ଆଉ ସମ୍ଭାଳିପାରିବେକି ପିଠି 

ମାଆ ମାଟି ଶସ୍ୟ ଦେବ ଛାଟି 

ପକ୍ଷୀ ପୁଣି ଯୋଗାଡ଼ିବ ଅଠା କାଠି 

ମଣିଷର ଛାତରେ ଓଦା ଠ ଠା ଠି 

ଚାଷୀ ଦେଖେ ମେଘ କଣ ନକଲା ଏଠି 

ମାଟି କାନ୍ଥ ଗଲେ ଫାଟି 

କାଟି ବାଟି କୁଟି ମାଆ ଚାହିଁବ ଆଖି ତରାଟି 

ଏତେ ସୁବିଧାରେ ବି ଓଦା ଗନ୍ଧ 

କୋଉଠିନା କୋଉଠି ଗଳିଆ ରନ୍ଦ୍ର 

ଛାର ମଣିଷର ଆଖି କାନ ପିଠି କାନ୍ଧ 

ମେଘ ଲୀଳାଖେଳା କରୁଛି ସବୁଠି 

ସକାଳ ଆସେ ଫିଟି ଫିଟି 

ଝରା ଶ୍ରାବଣର ଫୁଲ ଫୁଟି 

ଗୁହାଲେ ହମା ହମା ଡାକେ ଉଠି 

କୃଷକ ଆକାଶକୁ ଦେଖେ ମିଟି ମିଟି 

ବଉଦ କୋଳେ ଶୋଇଛି ନା ଚେଇଁଛି 

ମେଘ କଳା ବାଦଲ ଚିତ୍ର ଚୈତ୍ର ଛାଟି 

ବୋଉ ତଥାପି ଚାଲିଛି ବାଟି କୁଟି କାଟି 

ପରଷିବ ଦହଡ଼ ତାଟିଆରେ ଆଟିକା ଗୋଟି