ମଦିରାକ୍ଷୀ

ପ୍ରୀତି ଭାବ ସଂଚରିଲେ

ନିଭୃତ କୋଣୁ ଉତ୍ତାଳ ତରଙ୍ଗ ଉଠେ

ଶ୍ରାବଣ ଫୁଲସଞ୍ଜେ

ନେପଥ୍ୟେ କାଇଁଚମାଳି କବରୀ ବାନ୍ଧେ,

ସ୍ବପ୍ନ ଉପବନ ଘଞ୍ଚ ନିକାଞ୍ଚନ

ଋତୁ ହସ୍ତେ ପୁଷ୍ପଧନୁ

ତବ ନାମଞ୍ଜୁରି ପ୍ଲାବିତ ଉଷ୍ମ ଦେହ

ଲଜ୍ଜା ଖୋଳପାରେ କୃଷ୍ଣପକ୍ଷ,

ହସ୍ତରେ ହସ୍ତକୁ ଛନ୍ଦି

ଚକ୍ଷୁକ୍ରିଡା ଅଭିଳାଷୀ

ଉନ୍ମତ୍ତ ଭ୍ରମର ସ୍କନ୍ଧେ

ଲୋଟିପଡେ ମଦିରାକ୍ଷୀ,

ସମ୍ପ୍ରସାରି ଭୁଜ

ଆଶ୍ଲେଷି ମଉଜ

ଏକାକାର ଚତୁଷ୍ପଦ

ଭୁଲି ଆସନ୍ନ ଅପବାଦ,

କ୍ଷତାକ୍ତ ସୁତନୁ

ପରଶେ ପ୍ରମାଣ

କାହିଁ କେଡେ ଥିଲା ପ୍ରଭଞ୍ଜନ ।