ବୈଶାଖୀ

ଛାଇ ଦରାଣ୍ଡୁ ଦରାଣ୍ଡୁ ସଞ୍ଜ

ଟୋପାଏ ପାଣି ନାଁ'ରେ ନିଗିଡିଗଲାଣି ମହଣ ମହଣ ଝାଳ

ଉଧାରି ଖୁସୀରେ ବିଚାରା ହୃଦୟ

ମୁହୁର୍ମୁହୁଃ ତନ୍ଦ୍ରାରେ ଆତ୍ମଗୋପନ ।

ରଙ୍ଗଛଡା ଫିକା ମାଇଲ୍ ଖୁଣ୍ଟକୁ

ଜାବୁଡି ଧରିଚି କାଠବେଙ୍ଗ ସଦୃଶ

ସଠିକ୍ ଗନ୍ତବ୍ୟ ପାଇବାକୁ ।

ପାନ୍ଥଶାଳା ଝରକା ସେପାଖେ

କେତେଥର କଳାବାଦଲ ଢାଙ୍କିଚି,ଟୋପେ ବି ବରଷିନି

ଆକଶକୁ ଚାହିଁ ରହିଥିବା 

ବକଳଛଡା ଡେଙ୍ଗାଗଛର ଅବଶ୍ୟ ସମଦଶା ।

ବୈଶାଖୀ ସଞ୍ଜୁଆ ପବନରେ

ଥୁଣ୍ଟା ଗଛର ଅବା କି ଲାଭ?

ଯେଉଁଠି ବିହଙ୍ଗେ ବସିବାକୁ କୁଣ୍ଠାବୋଧ ।

ମାୟାବତୀ ମାୟାଜାଲ ମହାବାତ୍ୟାରେ ଧ୍ବସ୍ତ

ଯେସନ ଶଯ୍ୟାଶାୟୀ ଗଙ୍ଗାପୁତ୍ର

ଇଛାମୃତ୍ୟୁ ସଂଙ୍କଳ୍ପରେ ।