ମଧୁବାବୁ
ମଧୁବାବୁ
ପ୍ରିୟ ମଧୁବାବୁ ଉତ୍କଳ ଗୌରବ
ଓଡ଼ିଶାର ସ୍ୱାଭିମାନ
ସ୍ୱତନ୍ତ୍ର ଓଡ଼ିଶା ଉତ୍କଳ ଟ୍ୟାନେରୀ
ଅଟେ ତୁମ ଅବଦାନ ।
ସତ୍ୟଭାମାପୁରେ ଜନମ ଲଭିଣ
କଟକେ କଲ ନିବାସ
ଓଡ଼ିଶାର ପ୍ରାଣ ମଧୁ ବାରିଷ୍ଟର
ହେ ମଧୁସୂଦନ ଦାସ ।
ଆଇନ ଶାସ୍ତ୍ରରେ ଅଟ ବିଶାରଦ
ତୀକ୍ଷ୍ଣ ପ୍ରତ୍ୟୁତ୍ପନ୍ନ ମତି
ବଳିଷ୍ଠ ଯୁକ୍ତିରେ ତୁମକୁ ସହଜେ
ପାରିନାହିଁ କେହି ଜିତି ।
ଗଢିଲ ଉତ୍କଳ ଜାତି ସମ୍ମିଳନୀ
କହିଥିଲ କାନେ କାନେ
ଉଠରେ ଉଠରେ ଉତ୍କଳ ସନ୍ତାନ
ଉଠିବୁ ତୁ କେତେ ଦିନେ ।
ଖଣ୍ଡ ବିଖଣ୍ଡିତା ଉତ୍କଳ ଜନନୀ
ହେଉଅଛି ଅଣହେଳା
ସ୍ୱ।ର୍ଥ କୁ ଆହୁତି ଦିଅ ତା ସନ୍ତାନେ
ହାତ ସହ ହାତ ମିଳା ।
କୋଟିଏ ସନ୍ତାନ ଗୋଟିଏ ସ୍ବରରେ
ମାଆ ମାଆ ବୋଲି ଡାକ
ସହସ୍ରାର ଭୁଜ ହୋଇବ ବିସ୍ତାର
ଟେକିବେ ମାତା ମସ୍ତକ ।
ଉଜ୍ଜୀବିତ ହେଉ ଓଡିଶା ଗୈ।ରବ
ପ୍ରିୟ ସୁମଧୁର ସ୍ମୃତି
ଜୟ ଜଗନ୍ନାଥ ଶ୍ରୀ ପୁରୁଷୋତ୍ତମ
ଓଡ଼ିଆ ପ୍ରାଣ ସଂସ୍କୃତି ।