ମାୟା ଦର୍ପଣ

ମଧୁଝରା ଜୋଛନା ରାତିର କଥା

        ଭଲ ଲାଗୁଥିଲା ମୋତେ

               ସିନେମାର କାହାଣୀ ପରି , 

ଯେବେ ବୈଶାଖର ନିଛାଟିଆ ଦ୍ବିପ୍ରହରେ

        ହୃଦୟର ଦୁର୍ବାର ଆକାଂକ୍ଷାକୁ

        ବଖାଣୁ ଥିଲା ସେ ମନରେ ଉତ୍ସାହ ଭରି .....

ପ୍ରେମରେ ଆଲିଙ୍ଗନ ଚୁମ୍ବନ ସତେକି 

   କେଉଁ ଏକ ଯାଦୁକରୀ ଦର୍ପଣର ଅନନ୍ତ ମାୟା ,

ନିକାଞ୍ଚନ ଶୂନ୍ୟତା ଭିତରେ ରହି ରହି

   ରଙ୍ଗୀନ ଆବେଶରେ ଅସୁମାରୀ ଶୀତଳ ଛାୟା ,

କିଛିଟା ଭୟ ମିଶା ସ୍ବର୍ଗୀୟ ଆନନ୍ଦ

   ଯେଉଁଠି ମଳୟ ବୋହୁ ଥାଏ ହୋଇ ମନ୍ଦ ମନ୍ଦ ,

ମଣିଷ ହଜି ଯାଏ ସେଇଠି

               ପ୍ରେମର କୁହୁକ ମାୟାରେ

ଯେଉଁଠି ହଜୁଥିଲି ମୁଁ ବି ସେଦିନ

            ତା' ପ୍ରେମର ଅଦ୍ଭୁତ ମୋହରେ .......।