ମାଉସୀ ମାଆର କୋହ
ମାଉସୀ ମାଆର କୋହ
ଶୋଇଯାଆ ଧନ ଶୋଇଯାଆ ଆଜି
ରତନ ପଲଙ୍କେ ତୋର
କସମସ ତୋର ଗୋଡ ହାତ ହୁଏ
ଅଦିନେ ହୋଇଛି ଜ୍ୱର
ବସି, ଆଉଁସି ଦେବି ପୟର l
କେତେ ତୁ ଜଞ୍ଜାଳ ବୁଝୁଛୁରେ ଧନ
ସାତ ବ୍ରହ୍ମାଣ୍ଡର କଥା
ଏତେ କଥା ଆଉ କେ ବୁଝିବ ଏଠି
ଘୁରି ଯିବ ପରା ମଥା
ସବୁଥିରେ ତୁହି ତୋହ ଠାରେ ସବୁ
ସବୁ ଜଞ୍ଜାଳ ତ ତୋହ ଠାରୁ ବାବୁ
ଦେଖୁଛୁ ସାରା ସଂସାର l
ତଇଳ ମର୍ଦ୍ଦନ କରିଦେବି ଦେହେ
ଔଷଧ ଦେବି ଖୁଆଇ
ମାଉସୀ ତୋହର ମାଆ ସମ ସଦା
ଅଛି ପରା ତୋହ ପାଇଁ
ଧନ ମୋ ସଅଳ ହୋଇଯାଆ ସୁସ୍ଥ
ବଡଦାଣ୍ଡେ ଚଢି ଯିବୁ ତୋର ରଥ
ବାଟ ଚାହିଁ ଥିବି ତୋର l