ମାଟି ମାଆ

ମାଟି ମାଆ ଆମ ସବୁ ଅଳି ସହି

କୋଳ ପ୍ରସାରିତ କରି

ସାଧୁ ବା ଅସାଧୁ ସଭିଙ୍କୁ ପାଳଇ

ଭେଦଭାବ ଟି ନ କରି।

ତା'ଦେହରେ କିଏ ସୁନା ଫଳାଇଛି

କିଏ କରେ ମଳ ତ୍ୟାଗ

କିଏ ତା'ଅନ୍ତର ତାଡି ନିରନ୍ତର

ନିଜ ସ୍ବାର୍ଥେ ଲିପ୍ତ ଆଗ।

ତା'ସବୁଜ ବାସ କାଟି ଶେଷ କରି

ଉଲଗ୍ନ କରୁଛି ନୀତି

ଯେଉଁ ପଣତରେ ଢାଙ୍କିଛି ଆମକୁ

ତା' ର ଦହନରେ ମତି।

ପଣତ ନ ଥିଲେ କେମିତି ନିଦାଘେ

ଛାୟା ଲଭିବୁ ରେ ମୂଢ

ମାଆ ର ସମ୍ମାନ କରୁ ଛିନ୍ନ ଭିନ୍ନ

ନିଜ ପାଇଁ ଖୋଳୁ ଗାଡ।

ଦିନୁ ଦିନ ତୋର ଓଧତ୍ୟ ବଢାଉ

ଅସହ୍ୟ ହୋଇବ ଯେବେ

ସେହି ମାଆ ଧରି ଉଗ୍ରରୂପ ତୋତେ

ସଂସାର କରିବ ତେବେ।