ମାଟି ମା

ଆକାଶେ ରଙ୍ଗର ପସରା 

ତଳେ ସବୁଜ ଭୂଇଁ,

ମଝିରେ ଉଡୁଛି ଏ ମନ

ତୋତେ ଛୁଇଁବା ପାଇଁ ।

ତୁ ଯେ ଆମର ଗରବ

କୋଟି ହୃଦୟ ଦୀପ,

ତୋ ବିନା ଜୀବନ ଅଧୁରା

ଭିନ୍ନ ଲାଗେ ଏ ରୂପ ।

ପ୍ରେମସମ ଅଟ ଅନେକ

ଦିଅ ସୁନ୍ଦର ଭାଷା,

ପ୍ରାଣେ ପ୍ରାଣେ ଭର ଭରଷା

ପୁଣି ଜୀବନ୍ତ ଆଶା ।

ପ୍ରତିଟି ପରସ ମଧୁର

ସତେ ତୁମରି ଦିଗ,

ଆଖିରେ ଭରିଛ ପୁଲକ

ଭାବ ଉଦୟ ରାଗ ।

ସ୍ନେହଭରା କୋଳ ତୋହରି

କେତେ ଖେଳାଉ ଖେଳ,

ପାଖେ ଥାଇ ଦେଉ ସାହସ

ଧରି ହାତିଏ ବଳ ।

ରାତି ପରେ ଦିନ ଏମିତି

ହେବୁ ସବୁଠି ଜୟ,

ବସିବୁ ଉଠିବୁ ଏଇଠି

ନାହିଁ ଟିକିଏ ଭୟ।

ମମତାର ଏଠି ବନ୍ଧନ

ସବୁ ତୁମକୁ ଜଣା,

ସୁଖରେ ଦୁୁଃଖରେ ବାନ୍ଧିଛୁ

ମନ ନକରି ଉଣା ।

ବାଟ ଭୁଲା ଚିହ୍ନା ପଥିକ

ଆମେ ତୋହରି ସାଥି,

ଜନମ ମରଣ ତୋ ସାଥେ

କେତେ ରହିଛି ସ୍ମୃତି ।