ମାଟି ଘର
ମାଟି ଘର
ତୋ ଗର୍ଭ ଗହ୍ବରରେ
ତୋର ସବୁ ଅନୁଭବ ,ଭାବ,ଭାଷା
ଶ୍ବାସ, ଖାଦ୍ୟ, ଅଶ୍ରୁ, ଭାଗିଦାର
ମୁଁ ।
ତୋ ଠି ପ୍ରଥମ ପଦପାତ ପରେ
ତୋ କଷ୍ଟ ,ତ୍ଯାଗ, ସ୍ନେହ, ପାଳନ,
ଦାନ,ପୂଣ୍ୟ ର ମୂକସାକ୍ଷୀ
ମୁଁ ।
ତୋ କୋଳରେ ବଢିବାରେ
ତୋ ଶିକ୍ଷା,ଶାଳିନତା, ସଂସ୍କୃତି
ସଂସ୍କାର, ସମ୍ମାନ ର ଅଂଶୀଦାର
ମୁଁ ।
ତୋ ପ୍ରତି ଛବି, ପ୍ରତି ଲିପି
ମୁଁ ।
ତେବେ ଆଜି ମୃତ୍ୟୁ ପଥରେ
କାହିଁ ଏକା ଛାଡିଗଲୁ ତୁ ?
ଏଥର କି ତୋର ସାଥି ନଥିଲି
ମୁଁ ?
ଏକା ଏକା ପଥେ ମୋର
ନିୟନ୍ ଲାଇଟ୍ ର ଖମ୍ବ ତଳେ
କୃଷ୍ଣ ଚୂଡାର ଥୁଣ୍ଟା ଛାଇରେ
ରାଜରାସ୍ତା ପରେ
ଭଙ୍ଗା କାଠ ବେଞ୍ଚ୍ ପରି
ଥମିଯାଇଛି ଜୀବନ ର ଗତି
ତୁ ଗଲା ପରେ
ହଜିସାରିଛି ଖୁସିର ମୋତି ।
ଏ ମଗୁଶୀର ରେ କୋଉଠି ଛାଟିବି କହ
ଲକ୍ଷ୍ମୀ ପାଦ ଆଉ ଧାନ ଝୋଟି !