ମାଟି☘️☘️☘️ବର୍ଷା ଭିଜା ମାଟିର ବ

ବର୍ଷା ଭିଜା ମାଟିର ବାସ୍ନା

ରିମ୍ ଝିମ୍ ବରଷାର ତାନ

ବେଙ୍ଗୁଲିର ବେସୁରା ରାଗିଣୀ

ତୋଳୁଛି ନୂଆ ଶିହରଣ ।

ଶାଗୁଆ କ୍ଷେତରେ ମାଟି ସଙ୍ଗେ ମାଟି ହୁଏ

ମଣିଷର ମାଟି ବୋଳା ଦିହ

ବାଦଲ ଆଉ ସୂର୍ଯ୍ୟର ଲୁଚକାଳି

ଖେଳରେ

ମଧ୍ୟସ୍ଥି କରେ ଦଲକାଏ କୋହଲା

ପବନ ।।

ଘର ଲେଉଟାଣି ବେଳ

ବହି ବସ୍ତାନୀ ଓଦା

ଆଉ ଦେହ ଜରଜର

ଆଖି ଦେଇ ଗଡୁଛି ପାଣି

ତାଳୁରୁ ତଳିପା

ବିଲ କଡରୁ ରାସ୍ତା ପାଣିରୁ ଧରିଛି ମୀନ

ଆତ୍ମତୃପ୍ତି ତା ଅୟୁତ କାଳର ।।।

ମନେପଡେ ପିଲାଦିନ

କେତେ ଯେ ଆନନ୍ଦ

ଓଲିଗଡା ପାଣିରେ କାଗଜଡଙ୍ଗା

ଭସେଇଲା ବେଳ

ଆଜି କିନ୍ତୁ! ଜୀବନ ଭାସୁଛି

ଯନ୍ତ୍ରଣା ଜଳରେ

ଛାତିରୁ କାଢି ନେଉଛି

ଘଡିକେ ଜୀବନ ।।।।

ଅସୁମାରୀ ଆଶ ପିଟୁଛି ଡିଣ୍ଡିମ

ହସିବାକୁ ଚାହିଁଲେ ବି ହସି ମୁଁ

ପାରୁନି

କାହିଁକିନା; ନୁହେଁ ମୁଁ ସରଳ

ଆଉ ନିଷ୍ପାପ ସେ ପିଲା ଦିନର ।।।।।