🌹ମାତା କାତ୍ୟାୟିନୀ 🌹

ତୁଷ୍ଟ ହେଲ ମାତା ଧ୍ୟାନେ କାତ୍ୟାୟନ

    ହୋଇଲ ତାଙ୍କ ନନ୍ଦିନୀ.

ମହିଷାସୁରକୁ ବଧିବା ପାଇଁ ତ

    ଜନ୍ମ ନେଲ କାତ୍ୟାୟିନୀ.

ମାତା, ରୂପେ ଦୁର୍ଲଭ ରୂପିଣୀ. l

ଚତୁର୍ଭୁଜା ମାତା ଶୁଭ୍ର ପରିହିତା

    ହସ୍ତରେ ଅଶୀ କମଳ.

ସର୍ବ ଦେବାଦେବୀ ସ୍ତୁତିକୁ ହେ ଦେବୀ

    ପାତିନେଲ ପାତି ଶିର.

ଶକ୍ତି ସମିଶ୍ରଣ କଲେ ଦେବଗଣ

    ହୋଇଲ ସିଂହବାହିନୀ. l

ଚଣ୍ଡ ମୁଣ୍ଡ ନାଶି ନାଶିଲେ ମହିଷା

    ଦୈତ କୂଳ ବିନାଶିନୀ.

ଧର୍ମ ସଂସ୍ଥାପନା ଏହି ତ କାମନା

     ଉଲ୍ଲାସ ଭରେ ମେଦିନୀ.

ଷଷ୍ଠ ନିଶି ଅର୍ଦ୍ଧେ ମଧୁ ନଇବେଦ୍ୟେ

    ଅର୍ପିତ ସିଂହବାହିନୀ. l