ମାରୁମାରୁ ଯାଏ ମରି

ଜନମ ସହିତ ଜୀବ ଆଣିଥାଏ ମରଣକୁ ସାଥେ ଧରି,

କାନ୍ଦୁକାନ୍ଦୁ ସିଏ ହସି ଶିଖିଯାଏ ପରକୁ ଆପଣା କରି |

ପଡୁପଡୁ ପୁଣି ଚାଲି ଶିଖିଯାଏ କହୁକହୁ କଥାକହେ,

ମିଛ କପଟକୁ ଆଦରି ନେଲେ ସେ ନିଜେ ଛନ୍ଦି ହେଇଯାଏ |

ବାପା-ମାଆ ପାଶେ ଅଳି କରୁକରୁ ହୁଅନ୍ତି ସେ ବାପା-ମାଆ,

ସାହା ଖୋଜୁ ଖୋଜୁ ପାଇଗଲେ ଥରେ ଅନ୍ୟପାଇଁ ହୁଏସାହା |

ଧନଧନ ହେଇ ଧନୀ ହେଇଯାଏ, ଜ୍ଞାନ ଖୋଜି ହୁଏ ଜ୍ଞାନୀ,

ପରପାଇଁ ଗାତ ଖୋଳୁଖୋଳୁ ସେହି ଗାତରେ ପଡ଼େ ସେ ପୁଣି |

ଖାଉଖାଉ ଦିନେ ଖାଦ୍ୟ ହେଇଯାଏ, ମାରୁ ମାରୁ ଯାଏମରି,

ଚାହୁଁଚାହୁଁ ତା'ର ଚିହ୍ନ ଲିଭିଯାଏ କେହି କାନ୍ଦନ୍ତିନି ଝୁରି |