Library
ମାର୍ଗଶୀର ଗୁରୁବାର
ମାର୍ଗଶୀର ଗୁରୁବାର
ସାଗର ଦୁଲ୍ଲଣୀ ଲକ୍ଷ୍ମୀ ଠାକୁରାଣୀ
ଗୁରୁବାର ପୂଜା ତୋର
ମାର୍ଗଶିର ମାସ ପ୍ରିୟ ଗୁରୁବାର
ଲିପିବି ମୁଁ ଘର ଦ୍ବାର ।
ଗୋମୟ ଜଳରେ ଲିପାପୋଛା କରି
ଝୋଟି ଲେଖିବି ଚିତାରେ
ପଦ୍ମ ଫୁଲ ଦେଇ କୋଠି ମୁଁ ଲେଖିବି
ମାଣ ବସିବ ମୋ ଘରେ ।
ନୂଆ ଶୁକ୍ଲ ଧାନ ଆଣିଛି ମୁଁ ପୁଣି
ନୂଆ ଚାଉଳ ଆଣିବି
ନୂଆ ଅରୁଆ ରେ ରୋଷେଇ କରି ମୁଁ
ମାଣ ଆଗେ ପରସି ବି ।
ଶ୍ରୀ ହରି ଘରଣୀ ଲକ୍ଷ୍ମୀ ଠାକୁରାଣୀ
ବରଷକେ ଥରେ ଆସି
ଘରେ ଘରେ ବୁଲି ଶୁଚିମନ୍ତ ଦେଖି
ବର ଦିଅନ୍ତି ପରସି ।
ଭାରି ନିଷ୍ଠାପର ବ୍ରତ ମା ଲକ୍ଷ୍ମୀ ର
ପରିଷ୍କାର ପରିଚ୍ଛନ
ଅନ୍ଧକାର ଥାଇ ଉଠିବ ସୁଜନେ
ମୁଣ୍ଡ ଧୋଇ କର ସ୍ନାନ ।
ଲକ୍ଷ୍ମୀ ପାଦ ପଦ୍ମ ଚିତା ଉପରେ ମା
ଖଟୁଲିରେ ଶୁକ୍ଳଧାନ
ଆଖୁ ମୁଳା ପୁଣି କଦଳୀ ପଦୁଅଁ
ଗୁଆ ତିନି ଗୋଟି ଆଣ ।
ଗେଣ୍ଡୁ ଫୁଲ ଦୁବ ବରକୋଳି ପତ୍ର
ପଦ୍ମ ଫୁଲେ ପୂଜା କର
ଛେନା ଗୁଡ ପୁଣି ଫଳ ପକାଇ କି
ଭୋଗ କର ସକାଳର ।
ଧୂପ ଦୀପ ଝୁଣା ସୁଗନ୍ଧୀତ ଜଳେ
ଅର୍ଚ୍ଚନା କର ମାଆ ର
ଖରାବେଳେ ମାଆ ଅନ୍ନ ଖାଇବଲୋ
ଆଉ ପିଠା ପଣା କର ।
କୋଶୋଳା ଶାଗକୁ ମୂଳାଶାଗ ପୁଣି
ଦେଶୀ ଆଳୁ ମୂଳା ଭଜା
ଶାରୁ ମାଟି ଆଳୁ ନଡିଆ ଡାଲମା
ମାଆ କୁ ଲାଗଇ ମଜା ।
ଦହି ପଖାଳ କୁ ମାଆ ଭଲପାଏ
ପ୍ରସନ୍ନ ରେ ବର ଦିଏ
ସଂଧ୍ୟା ବେଳେ ମାଆ ଛେନା ନଡିଆ ର
କାକରା ଦଶଟି ପାଏ ।
ଶୁଦ୍ଧ୍ୟ ତା ସହିତ ଲକ୍ଷ୍ମୀବ୍ରତ କର
ଅଳସୁଆ ହୁଅନାହିଁ
ଗୁରୁ ବାରେ ମୁଣ୍ଡ ପଖାଳି ଗାଧାଅ
ପିଲା ଙ୍କୁ ତ ମାର ନାହିଁ ।
ସ୍ବାମୀ ମନ ଯାଣି ସେବା କଲେ ନାରୀ
କମଳା ଖୁସି ହୁଅନ୍ତି
ଯାଚିକି ଦିଅନ୍ତି ବର ସମସ୍ତଙ୍କୁ
ଧନ ଜନ ଗୋପ ଲକ୍ଷ୍ମୀ ।
